சீனாவில் 2,200 முதல் 2,400 ஆண்டுகள் பழமையான கழிவறை கண்டுபிடிப்பு.... - வைரல் புகைப்படம்...!

சீனாவில் 2,200 முதல் 2,400 ஆண்டுகள் பழமையான ஃப்ளஷ் கழிவறையை தொல்பொருள் ஆராய்ச்சியாளர்கள் கண்டுபிடித்துள்ளனர்.

2,400 ஆண்டுகள் பழமையான கழிவறை கண்டுபிடிப்பு

சீனாவில் 2,200 முதல் 2,400 ஆண்டுகள் பழமையான ஃப்ளஷ் கழிவறையை தொல்பொருள் ஆராய்ச்சியாளர்கள் கண்டுபிடித்துள்ளனர்.

இந்த கழிவறை இதுவரை கண்டுபிடிக்கப்பட்ட பழமையான பொருள்களில் ஒன்றாகும் என்று சீனா அரசின் செய்தி நிறுவனம் இந்த வார தொடக்கத்தில் இத்தகவலை தெரிவித்திருக்கிறது.

சீன, யுயாங் நகரில் உள்ள அரண்மனையின் இடிபாடுகளில் 2 பெரிய கட்டிடங்களை ​​சீன சமூக அறிவியல் அகாடமியின் தொல்லியல் கழக ஆராய்ச்சியாளர்கள் தோண்டிக்கொண்டிருந்தனர்.

அப்போது, 2,200 முதல் 2,400 ஆண்டுகள் பழமையானதாக கழிப்பறையை கண்டு வியப்படைந்தனர். நவீன ஃப்ளஷ் கழிப்பறைகளின் கண்டுபிடிப்பு விக்டோரியன் இங்கிலாந்தைச் சேர்ந்ததாகக் கருதப்படுவதால் இந்த கண்டுபிடிப்பு மிகவும் புதிரானதாக பார்க்கப்படுகிறது.

பண்டைய கருவிகளின் வடிவமைப்பு நிபுணரான ஃபேன் மிங்யாங், நவீன காலத்தில் பயன்படுத்தப்படும் நீர் வடிகால் அமைப்பு காரணமாக கழிப்பறை "ஏமாற்றும் வகையில் மேம்பட்டது" என்று சீனாவின் குளோபல் டைம்ஸ் செய்தித்தாள் தெரிவித்துள்ளது. கழிப்பறை கிண்ணம், மற்ற உடைந்த பாகங்கள் மற்றும் வெளிப்புற குழிக்கு செல்லும் குழாய் ஆகியவை சமீபத்தில் கண்டுபிடிக்கப்பட்டன.

இது குறித்து அகழ்வாராய்ச்சி குழுவின் உறுப்பினரான லியு ரூய் சைனா டெய்லி கூறுகையில்,

அந்த காலத்தில் இந்த கழிவறையை பயன்படுத்தும்போது, ஒவ்வொரு முறையும் ஊழியர்கள் கழிப்பறை கிண்ணத்தில் தண்ணீரை ஊற்ற வேண்டியிருக்கும். "சீனாவில் கண்டுபிடிக்கப்பட்ட முதல் மற்றும் ஒரே ஃப்ளஷ் கழிப்பறை இதுவாகும். இதைப் பார்த்ததும் தளத்தில் இருந்த அனைவரும் ஆச்சரியப்பட்டனர். பின்னர் நாங்கள் அனைவரும் வெடித்துச் சிரித்தோம் என்றார்.

தற்போது இது தொடர்பான புகைப்படங்கள், வீடியோக்கள் சமூகவலைத்தளங்களில் வெளியாகி வைரலாகி வருகிறது. இதைப் பார்த்த உலக மக்கள் ஆச்சரியத்தில் ஆழ்ந்துள்ளனர்.   

Hey! Do you know what toilets were like 2,000 years ago?
This is the only toilet remains found in the archaeology of Miyagi in China, and it is also the first "flushing" toilet found in China.
#admirablexian#inxian#quicktalkofxianmuseums# pic.twitter.com/KXrejes2vK

— IN XI'AN (@in_xi_an) February 20, 2023

A manual flushing #toilet, dating back 2,400 years, is the first and only of its kind to be ever excavated in China. It was discovered at the Yueyang archaeological site in Xi’an, Shaanxi province. ?https://t.co/n6mQfbMyTb pic.twitter.com/X1DaSiyv90

— The Living Past (@ChinaLivingPast) February 21, 2023