சென்னை வெள்ளத்தில் தத்தளித்த நடிகர்கள்; மீட்ட தீயணைப்பு துறை - உதவிய நடிகர் அஜித்!

மிக்ஜாம் புயலால் சென்னையில் ஏற்பட்ட வெள்ளத்தில் சிக்கிக்கொண்ட நடிகர்கள் விஷ்ணு விஷால், நடிகர் அமீர்கான் மற்றும் அவர்களின் குடும்பத்தினரை தீயணைப்புத்துறையினர் பத்திரமாக மீட்டுள்ளனர். 

நடிகர் விஷ்ணு விஷால்

மிக்ஜாம் புயல் காரணமாக சென்னையில் கனமழை பெய்தது. இதனால் பல்வேறு பகுதிகளில் மழைநீர் தேங்கியது. இதில், காரப்பாக்கத்தில் உள்ள நடிகர் விஷ்ணு விஷாலின் வீட்டை வெள்ளம் சூழ்ந்தது. இது தொடர்பாக, தங்களுக்கு உதவி செய்யுமாறு, விஷ்ணு விஷால் தனது சமூக வலைதளத்தில் பதிவிட்டிருந்தார்.

இதனையடுத்து சம்பவ இடத்திற்கு சென்ற தீயணைப்புத் துறையினர், விஷ்ணு விஷால் மற்றும் அவரின் குடும்பத்தினரை மீட்டனர். அவர்களுடன் பாலிவுட் நடிகர் அமீர்கானும் இருந்தார் என்பது குறிப்பிடத்தக்கது.

மீட்கப்பட்ட பின்னர் தனது எக்ஸ் தளத்தில் நன்றி தெரிவித்த விஷ்ணு விஷால் "சிக்கித் தவித்த எங்களை மீட்ட தீயணைப்பு மற்றும் மீட்புத் துறையினருக்கு நன்றி. காரப்பாக்கத்தில் மீட்பு பணிகள் தொடங்கியுள்ளன.

சினிமா வசனம் பேசி கைத்தட்டல் வாங்கும் விஷயமல்ல பேரிடர் - நடிகர் விஷாலுக்கு, மேயர் பிரியா பதிலடி!

நடிகர் அஜித் உதவி 

ஏற்கனவே 3 படகுகள் செயல்பாட்டில் உள்ளதைக் கண்டேன். இதுபோன்ற சோதனையான காலங்களில் தமிழக அரசின் பணி சிறப்பாக உள்ளது. அயராது உழைக்கும் அரசு நிர்வாகத்துக்கு நன்றி” என பதிவிட்டுள்ளார்.

மேலும், நடிகர் அஜித்தும் தங்களுக்கு உதவி செய்ததாக விஷ்ணு விஷால் தெரிவித்துள்ளார். இது தொடர்பாக அவர் வெளியிட்டுள்ள பதிவில் "பொதுவான நண்பர் ஒருவரின் மூலம் எங்களின் நிலைமையை அறிந்து, எப்போதும் உதவும் குணம் கொண்ட நடிகர் அஜித் எங்களைப் பார்க்க வந்தார்.

மேலும் எங்களது போக்குவரத்துக்கு ஏற்பாடு செய்தார். லவ் யூ அஜித்” என பதிவிட்டுள்ளார். தற்போது விஷ்ணு விஷால், அமீர்கான், அஜித் ஆகியோர் ஒன்றாக இருக்கும் புகைப்படங்கள் சமூக வலைத்தளங்களில் வைரலாகி வருகிறது.

After gettting to know our situation through a common friend,
The ever helpful Ajith Sir came to check in on us and helped with travel arrangements for our villa community members…Love you Ajith Sir! https://t.co/GaAHgTOuAX pic.twitter.com/j8Tt02ynl2

— VISHNU VISHAL - VV (@TheVishnuVishal) December 5, 2023