கலவர பூமியான ஏ.ஆர்.ரகுமான் Concert.....ஸ்க்ரீனை கிழித்து உள்ளே நுழைந்த ரசிகர்கள்

 இசையமைப்பாளர் ஏ.ஆர்.ரகுமான் இசைக்கச்சேரி நடைபெற்று வந்த இடத்தில் திடீரென தடாலடியாக பல ரசிகர்கள் உள்ளே நுழைந்ததால், அந்த பகுதியில் பரபரப்பு ஏற்பட்டுள்ளது.

ஏ.ஆர் ரகுமான் இசைக்கச்சேரி

இந்திய திரையுலகில் முக்கியமான இசையமைப்பாளராக திகழ்ந்து வருபவர் ஏ.ஆர்.ரஹ்மான். 30 வருடங்களை அவர் திரைத்துறையில் கடந்துள்ள போதிலும், இன்றைய இளம் இளம் தலைமுறையினரையும் மிகவும் கவர்ந்த இசைஅமைப்பாளராகவே அவர் தொடர்ந்து வருகிறார். படங்களுக்கு இசையமைப்பது மட்டுமின்று அவர் இசை கச்சேரிகளையும் நடத்தி வருகின்றார்.

கலவர பூமியான நிகழ்ச்சி   

அந்த வகையில் நேற்றைய தினம் கோயம்புத்தூரில் அவரின் இசைக்கச்சேரி நடத்தப்பட்டது. இதில் ஏராளமான ரசிகர்கள் கலந்து கொண்டனர். இந்த நிலையில் இசைக்கச்சேரி நடந்து கொண்டிருக்கும் போது நிகழ்ச்சி நிரலுக்கு வெளியே கூடியிருந்த ரசிகர்கள் சற்று விலகி இருந்த திரையின் இடுக்கில் நுழைந்து நிகழ்ச்சி நடக்கும் இடத்தில் வேகமாக ஓடினர்.

AR Rahman concert in Coimbatore . What's the use of education ? Why it is organised so poorly ? pic.twitter.com/pHREHIf1fI

— Prashanth Rangaswamy (@itisprashanth) August 20, 2023

அவர்களை தடுக்க முற்பட்ட பாதுகாவலர்களாலும் அவர்களை கட்டுப்படுத்திட முடியவில்லை. திடீரென்று ஏராளமானோர் உள்ளே புகுந்ததால் டிக்கெட் வாங்கிக்கொண்டு இசைக்கச்சேரியை பார்த்துக்கொண்டிருந்தவர்கள் அதிர்ச்சி அடைந்தனர்.இந்த வீடியோ காட்சிகள் தற்போது இணையத்தில் வைரலாகி வருகின்றனர்.