விரக்தியில் பாகிஸ்தான்; தொடக்க விழா ரத்து - அப்படி என்ன காரணம்?
Sumathi
in கிரிக்கெட்
கேப்டன்கள் சந்திக்கும் நிகழ்வு மற்றும் தொடக்க விழா ரத்து செய்யப்பட்டுள்ளது.
சாம்பியன்ஸ் டிராபி
2025 ஐசிசி சாம்பியன்ஸ் டிராபி கிரிக்கெட் தொடர் பாகிஸ்தானில் நடைபெறவுள்ளது. உலகக் கோப்பை, சாம்பியன்ஸ் டிராபி போன்ற ஐசிசி தொடர்களுக்கு முன் கேப்டன்கள் சந்திப்பு மற்றும் பத்திரிகையாளர்களை சந்திக்கும் நிகழ்வு நடைபெறுவது வழக்கம்.
இதில் அனைத்து அணி கேப்டன்களும் கலந்து கொள்வார்கள். இந்நிலையில் இந்த தொடருக்கு முன் நடைபெறவிருந்த கேப்டன்கள் சந்திக்கும் நிகழ்வு மற்றும் தொடக்க விழா ரத்து செய்யப்பட்டுள்ளது.
தொடக்க விழா ரத்து
இதற்கு காரணங்களாக இங்கிலாந்து மற்றும் ஆஸ்திரேலியா அணிகள் தாமதமாக வர இருப்பதால், திட்டமிட்டபடி விழா நடத்த முடியவில்லை. இந்திய அணி பாகிஸ்தானில் விளையாட மறுப்பு தெரிவித்து துபாயில் விளையாட உள்ள நிலையில் இந்திய அணி கேப்டன் ரோஹித் சர்மா பாகிஸ்தான் செல்ல மாட்டார் என்று கூறப்பட்டது.
பாகிஸ்தானில் சாம்பியன்ஸ் டிராபி போட்டிகள் நடைபெற உள்ள மூன்று மைதானங்களிலும் இன்னும் கட்டுமான பணிகள் நடைபெற்று வருகின்றன.
இவ்வாறான சிக்கல்கள் இருப்பதால் பாகிஸ்தான் கிரிக்கெட் அமைப்பு (பிசிபி) மற்றும் சர்வதேச கிரிக்கெட் கவுன்சில் (ஐசிசி) தொடக்க விழாவையும், கேப்டன்கள் சந்திப்பையும் ரத்து செய்ய முடிவு செய்துள்ளது குறிப்பிடத்தக்கது.
