கிருஷ்ணகிரி அருகே நின்ற டேங்கர் லாரி மீது ஆம்னி கார் மோதி விபத்து... 5 பேர் பலியான பரிதாபம்...

கிருஷ்ணகிரி அருகே நின்றுகொண்டிருந்த எரிவாயு டேங்கர் லாரி மீது ஆம்னி கார் மோதிய விபத்தில் குழந்தை உள்பட 5 பேர் பலியான சம்பவம் சோகத்தை ஏற்படுத்தியுள்ளது.

குடியாத்தத்தில் குடும்ப நிகழ்ச்சி ஒன்றில் கலந்து கொண்ட ஒரே குடும்பத்தை சேர்ந்த 8 பேர் ஆம்னி காரில்   பெங்களூரு சென்று கொண்டிருந்தனர்.

கார் கிருஷ்ணகிரி தேசிய நெடுஞ்சாலையில் சுண்டம்பட்டி என்ற இடத்தில் வந்து கொண்டிருந்தபோது சாலையின் ஓரமாக நின்றிருந்த எரிவாயு டேங்கர் லாரி மீது பின்புறமாக மோதியது.

இதில் காரில் இருந்த ஓட்டுநர் ரமேஷ், அஞ்சலி, தீபா ,1வயது குழந்தை ஆகிய நான்கு பேரும் சம்பவ இடத்திலேயே பரிதாபமாக பலியாகினர். 

4 பேர் படுகாயமடைந்த நிலையில் கிருஷ்ணகிரி அரசு மருத்துவமனையில் சிகிச்சைக்காக  கொண்டு செல்லும் வழியில் ஒருவர் உயிரிழந்ததால் பலி எண்ணிக்கை 5 ஆக உயர்ந்தது.

எஞ்சியுள்ள 3 பேர் சிகிச்சைக்காக மருத்துவமனையில் அனுமதிக்கப்பட்டுள்ளனர். இதுகுறித்து வழக்குப்பதிவு செய்த கந்திகுப்பம் போலீசார் விசாரணை மேற்கொண்டு வருகின்றனர்.