இன்று 6 மாநிலங்களில் இடைத்தேர்தல்.. இந்தியா - பாஜகவின் என்டிஏ கூட்டணிக்கும் இடையே நடக்கும் பலப்பரீட்சை!

6 மாநிலங்களில் காலியாக உள்ள தொகுதிகளில் இன்று இடைத்தேர்தல் நடந்து வருகிறது.

காலியான தொகுதிகள்

நாடு முழுவதும் 6 மாநிலங்களில் உள்ள 7 சட்டமன்ற தொகுதிகளுக்கு இன்று இடைத்தேர்தல் நடைபெறுகிறது. அதன்படி கேரளாவில் முன்னாள் முதலமைச்சர் உம்மன்சாண்டி மறைவால் காலியாக உள்ள புதுப்பள்ளி தொகுதி, திரிபுராவில் 2 தொகுதி, ஜார்கண்ட், மேற்கு வங்காளம், உத்தரப்பிரதேசம், உத்தரகாண்ட் ஆகிய மாநிலங்களில் காலியாக உள்ள தொகுதிகளில் இன்று இடைத்தேர்தல் நடைபெறுகிறது.

உத்தரப்பிரதேசத்தின் கோசி தொகுதி எம்.எல்.ஏ. தாராசிங், தனது பதவியை ராஜினாமா செய்துவிட்டு பாஜகவில் இணைந்ததால் அந்த இடம் காலியானது. மற்ற தொகுதிகளின் உறுப்பினர்கள் மறைவால் வெற்றிடமானது.

இடைதேர்தல்

இந்நிலையில், இன்று காலை 7 மணியளவில் இடைத்தேர்தல் தொடங்கி நடைபெற்று வருகிறது. வாக்காளர்கள் வாக்குச்சாவடிகளில் காலை முதல் வாக்கு பதிவு செய்து வருகின்றனர். இன்று நடைபெறும் இடைத்தேர்தலில் வாக்கு எண்ணிக்கை செப்டம்பர் 8-ம் தேதி நடைபெறும் என தேர்தல் ஆணையம் அறிவித்தது.

மேலும், இந்தியாக இடைத்தேர்தல் இந்தியா கூட்டணி மற்றும் பாஜகவின் என்டிஏ கூட்டணிக்கும் இடையில் நடக்கும் முதல் தேர்தல், அதனால் மக்கள் ஆர்வமாக வாக்குகளை அளித்து வருகின்றனர்.