66 நாடுகளில் நடக்காத சோகம் - கணவர் கண்முன்னே ஸ்பெயின் பெண்ணிற்கு இந்தியாவில் ஏற்பட்ட பாலியல் வன்கொடுமை

இந்திய நாட்டிற்கு சுற்றுலாவிற்கு வருகை தந்திருந்த ஸ்பெயின் நாட்டை சேர்ந்த பெண்ணிற்கு ஜார்கண்ட் மாநிலத்தில் பாலியல் வன்கொடுமைக்கு ஆளாக்கப்பட்டுள்ளார்.

ஸ்பெயின் தம்பதி

ஸ்பெயின் - பிரேசிலைச் சேர்ந்த ஒரு தம்பதியினர் இருசக்கர வாகனத்தில் ஆசியா முழுவதும் சுற்றுப் பயணம் மேற்கொண்டு வருகின்றனர். 66 நாடுகளை வெற்றிகரமாக கடந்துள்ள அவர்கள் தற்போது இந்திய வந்துள்ளனர்.

இந்தியாவில் சுற்றுப்பயணம் மேற்கொண்டு வரும் அவர்கள் கடந்த வாரம் ஜார்க்கண்ட் மாநிலத்தின் டும்கா மாவட்டத்திற்கு வந்துள்ளனர். அப்போது மர்ம நபர்களால் வழிமறிக்கப்பட்டு, கணவரின் கண்முன்னே ஸ்பெயின் நாட்டை சேர்ந்த பெண்ணை 7 பேர் பாலியல் வன்கொடுமை செய்துள்ளனர்.

4 பேர் கைது

இது தொடர்பாக சம்மந்தப்பட்ட பெண்ணே வீடியோ வெளியிட விவகாரம் பெரும் பிரச்சனையாக வெடித்துள்ளது. இந்த விவகாரத்தில் தற்போது வரை 4 பேர் கைது செய்யப்பட்டுள்ளனர்.

இந்தத் தம்பதி கடந்த ஆறு மாதங்களாக இந்தியாவில் இருந்து வருகின்றனர். ஜார்க்கண்ட் மாநிலம் வருவதற்கு முன்னர் இவர்கள் , தென்னிந்தியா, காஷ்மீர், லடாக், உத்தராகண்ட், இமாச்சல பிரதேசம், ராஜஸ்தான், உத்தர பிரதேசம், மேற்கு வங்கம் ஆகிய மாநிலங்களில் சுற்றுப்பயணம் மேற்கொண்டுள்ளனர்,.