ஒன்றிய அரசு ஒன்றிவந்தால் சாராயத்தையே ஒழித்துவிடலாம் - கவிஞர் வைரமுத்து

``மாநில அரசு கடுமை காட்டினால் கள்ளச் சாராயத்தை ஒழித்து விடலாம். ஒன்றிய அரசு ஒன்றிவந்தால் சாராயத்தையே ஒழித்துவிடலாம்'' என கவிஞர் வைரமுத்து தெரிவித்துள்ளார்.

சாராயம் ஒரு திரவத் தீ

விழுப்புரம் மாவட்டம், மரக்காணம் பகுதியில் கடந்த 3 தினங்களுக்கு முன்பு கள்ளச் சாராயம் அருந்தி 20க்கும் மேற்பட்டோர் இறந்த சம்பவம் தமிழ்நாட்டையே உலுக்கியது. இந்த விவகாரம் தொடர்பாக பலரும் தங்கள் கருத்துக்களைத் தெரிவித்து வருகின்றனர்.

இந்தநிலையில், கவிஞர் வைரமுத்து தனது ட்விட்டர் பக்கத்தில் கள்ளச்சாராயம் விவகாரம் தொடர்பாக பதிவிட்டுள்ளார்.

அதில், ‘’சாராயம் ஒரு திரவத் தீ. கல்லீரல் சுட்டுத்தின்னும் காட்டேரி. நாம் விரும்புவது கள்ளச் சாராயமற்ற தமிழ்நாட்டை அல்ல; சாராயமற்ற தமிழ்நாட்டை. மாநில அரசு கடுமை காட்டினால் கள்ளச் சாராயத்தை ஒழித்துவிடலாம். ஒன்றிய அரசு ஒன்றிவந்தால் சாராயத்தையே ஒழித்துவிடலாம்’’ எனக் குறிப்பிட்டுள்ளார். 

சாராயம்
ஒரு திரவத் தீ

கல்லீரல் சுட்டுத்தின்னும்
காட்டேரி

நாம் விரும்புவது
கள்ளச் சாராயமற்ற
தமிழ்நாட்டை அல்ல;
சாராயமற்ற தமிழ்நாட்டை

மாநில அரசு
கடுமை காட்டினால்
கள்ளச் சாராயத்தை
ஒழித்துவிடலாம்

ஒன்றிய அரசு
ஒன்றிவந்தால்
சாராயத்தையே ஒழித்துவிடலாம்

— வைரமுத்து (@Vairamuthu) May 18, 2023