ப்ளூ சட்டை மாறனின் "வலிமை" பட விமர்சனம் - கொதிக்கும் அஜித் ரசிகர்கள்

மூவி ரெவியூர் ப்ளூ சட்டை மாறன் வலிமை திரைப்படத்துக்கு நெகடிவ் விமர்சனம் கொடுத்தார். அதுமட்டுமில்லாமல் அஜித்தை உருவ கேலியும் செய்திருந்தார். இது அஜித் ரசிகர்களை கொந்தளிக்க செய்தது.

இரண்டு வருட எதிர்பார்ப்பிற்கு பிறகு அஜித்தின் வலிமை திரைப்படம் கடந்த 24ம் தேதி திரையரங்கில் வெளியானது. ப்ளூ சட்டை மாறன் இப்படத்திற்கு நெகடிவ் விமர்சனம் கொடுத்தார்.

இது அஜித் ரசிகர்களை கொந்தளிக்க செய்தது. தொடர்ந்து இணையத்தில் அவரை தாக்கி பதிவிட்டு வந்தனர். சில பிரபலங்களும் ப்ளூ சட்டை மாறனுக்கு எதிர்ப்பு தெரிவித்து இருந்தனர்.

இந்நிலையில் தனக்கு வந்த எதிர்விமர்சனங்களுக்கு பதிலடி கொடுக்கும் விதமாக ப்ளூ சட்டை மாறன் தனது ட்விட்டர் பக்கத்தில் பதிவொன்றை இட்டுள்ளார்.

பாடி சேமிங் பாடமெடுக்கும் பிரபலங்கள் மற்றும் மற்றவர்களுக்கு, ரெட் படத்தில் வரும் ஒல்லிக்குச்சி உடம்புக்காரி பாடலில் ஸ்லிம்மான இருக்கும் கதாநாயகியைப் பார்த்து அஜித் பாடுவது என்ன ராகம்?

மெல்லிய தேகக்காரி, ஸ்லிம்மான உடம்புகாரி என்று வர்ணிக்காமல் ஒல்லிக்குச்சி, குண்டு என்று பிறரின் உருவத்தை கேலி செய்யும் வரிகள் கொண்ட பாடலை பாடியபோது நீங்கள் எங்கே சென்றீர்கள்?

இதே பாடலில், நான் சமைஞ்சதும் சாமி வந்து உன் காதில் சொல்லுச்சுதானே? எனும் வரியும் உண்டு. நாம் வணங்கும் சாமிக்கு இதுதான் வேலையா?

மேலும் சில ஆபாச வரிகள்.. "பழுத்தாச்சி, நெஞ்சம் பழம் பழுத்தாச்சு, அணில் கிட்ட கொடுத்தாச்சி, அணில் இப்ப துள்ளலாம், அப்பப்ப பல்லும் பதிக்கலாம்.."

பெண்களின் மார்பகத்தை காமவெறியுடன் பார்ப்பவன் கண்ணிற்கு மட்டுமே இப்படி எழுத தோன்றும், அதில் நடிக்க தோன்றும்.

இது வெறும் கற்பனை பாடல் அல்ல, ஆணாதிக்க மனோபாவத்தின் வெளிப்பாடு. ஆகவே உருவ கேலி பாடமெடுக்கும் வெண்ணைகள்..

திராணி இருந்தால் இப்படி கொச்சையாக பாடல், வசனம் எழுதுவோர் மற்றும் அதில் நடிப்போரையும் கண்டியுங்கள். இல்லாவிட்டால் மூடிக்கொண்டு இருங்கள்" என்று கூறியுள்ளார்.

இந்த பதிவு மீண்டும் பல சலசலப்பை ஏற்படுத்தி உள்ளது.