செந்தில் பாலாஜி சகோதரருடன் லண்டனில் ரகசிய சந்திப்பு - கடுப்பான அண்ணாமலை

செய்தியாளர் சந்திப்பில் அண்ணாமலை ஆவேசமான சம்பவம் குறித்த தகவல் பரவி வருகிறது.

அண்ணாமலை

தமிழக பாஜக தலைவர் அண்ணாமலை 6 நாள் பயணமாக இங்கிலாந்து சென்று விட்டு சென்னை திரும்பினார். தொடர்ந்து சென்னை விமான நிலையத்தில், மாவட்ட நிர்வாகிகள், தொண்டர்கள் வரவேற்பு அளித்தனர்.

அதன்பின் செய்தியாளர்களை சந்தித்த அவர், பாஜக சார்பாக இங்கிலாந்துக்கு பொதுக்கூட்டத்தில் பங்கேற்க சென்றேன். பிரிட்டன் பாராளுமன்றத்தில் எம்.பி.க்களுடன் உரையாற்றினேன். இலங்கை பிரச்னை, வடகிழக்கு பிரச்னை போன்றவற்றில் இந்தியா எடுத்திருக்கக்கூடிய முடிவுகளுக்கு இங்கிலாந்து தமிழர்கள் பாராட்டுகிறார்கள்.

ஆவேசம்

தொடர்ந்து, செய்தியாளர் ஒருவர் அமைச்சர் செந்தில் பாலாஜியின் சகோதரரை லண்டனில் ரகசியமாக சந்தித்தீர்களா எனக் கேட்டதற்கு, எட்டாங் கிளாஸ் படிக்கிற பையன் மாதிரி கேள்வி கேக்கக்கூடாது.

ரோட்ல டீ குடிக்கிற மாதிரி கேள்வி கேக்கக்கூடாது. நீங்க கேக்குறது முட்டாள்தனமா இல்லயா? Source யார்? யாரு உங்களுக்கு சொன்னார்கள் எனக் கேட்டு வாக்குவாதத்தில் ஈடுபட்டார். இதனால் சிறிது நேரம் அங்கு பரபரப்பு ஏற்பட்டது.