மக்களவை தேர்தல் - பாஜக கூட்டணியில் அமமுகவுக்கு 2 தொகுதிகள் ஒதுக்கீடு!

பாஜக கூட்டணியில் அமமுகவுக்கு 2 தொகுதிகள் ஒதுக்கீடு செய்யப்பட்டுள்ளது.

மக்களவை தேர்தல்

மக்களவை தேர்தல் நெருங்கி வரும் நிலையில், தமிழகத்தில் அரசியல் கட்சிகள் கூட்டணி, தொகுதிப் பங்கீடு, வேட்பாளர்கள் தேர்வு என தேர்தல் பணிகளில் தீவிரமாக ஈடுபட்டு வருகின்றனர்.

இதனிடையே மக்களவை தேர்தல் தேதியை இந்திய தலைமை தேர்தல் ஆணையர் ராஜீவ் குமார் அதிகாரப்பூர்வமாக அறிவித்தார். அடுத்த மாதம் ஏப்ரல் 19 முதல் ஜூன் 1-ம் தேதி வரை 7 கட்டங்களாக தேர்தல் நடைபெறுகிறது. தமிழகத்தில் ஏப்ரல் 19-ம் தேதி ஒரே கட்டமாக வாக்குப்பதிவு நடைபெற உள்ளது.

ஆளுநருடன் சேர்ந்து பிரதமரும் எங்களுக்காக பிரசாரம் செய்கிறார் - முதல்வர் மு.க.ஸ்டாலின்!

பாஜக-அமமுக 

இதையொட்டி தேர்தல் நடைமுறைகள் அனைத்தும் உடனடியாக அமலுக்கு வந்துள்ளது. இந்நிலையில் பாஜக கூட்டணியில் இணைந்துள்ள டி. டி. வி. தினகரன் தலைமையிலான அமமுகவுக்கு 2 தொகுதிகள் ஒதுக்கீடு செய்யப்பட்டுள்ளது.

சென்னை பாஜக தலைமையகத்தில் அண்ணாமலையுடன் டிடிவி தினகரன் ஒப்பந்தத்தில் கையெழுத்தானது. மேலும், என்னென்ன தொகுதிகள் என்பதை பாஜக தலைமைதான் அறிவிக்கும் என டிடிவி தினகரன் கூறியுள்ளார்.