என்னோட அந்த வீடியோ பார்த்து விஜய் அப்படி சிரிச்சார்; எப்படி தட்டி பார்த்தார்.. - பிக்பாஸ் ஜனனி!
Jiyath
in பிரபலங்கள்
லியோ ஷூட்டிங் ஸ்பாட்டில் நடிகர் விஜய்யுடன் நடந்த ஒரு சுவாரஸ்ய நிகழ்வைப் பற்றி பிக்பாஸ் ஜனனி பேசியுள்ளார்
பிக்பாஸ் ஜனனி
இயக்குநர் லோகேஷ் கனகராஜ் இயக்கத்தில் நடிகர் விஜய் நடித்த 'லியோ' திரைப்படம் கடந்த 19ம் தேதி வெளியானது. படம் வெளியானதிலிருந்து ரசிகர்களிடையே கலவையான விமர்சனங்களை பெற்று வந்தது.
ஆனால் வசூல் ரீதியாக படம் மாபெரும் வெற்றி பெற்றுள்ளது. இப்படத்தின் வெற்றி விழாவும் அண்மையில் சென்னை நேரு உள்விளையாட்டு அரங்கில் நடைபெற்றது. இதில் நடிகர் விஜய் பேசிய சில விஷயங்கள் தற்போது வைரலாகி வருகிறது.
இந்த படத்தில் இலங்கையை சேர்ந்த பிக்பாஸ் பிரபலம் ஜனனியும் நடித்திருந்தார். அண்மையில் யூடியூப் சேனல் ஒன்றுக்கு பேட்டியளித்த ஜனனி, லியோ ஷூட்டிங் ஸ்பாட்டில் நடிகர் விஜய்யுடன் நடந்த ஒரு சுவாரஸ்ய நிகழ்வைப் பற்றி பேசியுள்ளார்.
பேட்டி
ஜனனி பேசியதாவது "லியோ படத்தின் படப்பிடிப்பு நேரத்தில்தான் விஜய் சார் இன்ஸ்டாகிராம் கணக்கு துவங்கியிருந்தார். அப்போது என்னுடைய இன்ஸ்டாகிராமை கணக்கை அவர் பார்த்தார்.
அதில் நான் நடிகர் சிம்புவின் "யம்மாடி..ஆத்தாடி" என்ற பாடலுக்கு செய்திருந்த ரீல்ஸை பார்த்து விஜய் சார் சிரிக்கிறார்..சிரிக்கிறார், அப்படி சிரிக்கிறார். அவர் அப்படி சிரித்து நான் பார்த்ததே இல்லை.
அவர் சிரிப்பதைப் பார்த்து த்ரிஷா, பிரியா அனந்த எல்லாரும் என்னாச்சு, என்னாச்சு? உங்கள் ரீல்ஸை பார்த்தா அவர் அப்படி சிரிக்கிறார் என்று கேட்டனர். நான் ஆமாம் என்று சொன்னேன்.
அவ்வளவு ரீல்ஸ் இருக்கும்போது எப்படி கீழே இருந்ததை அவர் தட்டிப் பார்த்தார் என்றே தெரியவில்லை. அடுத்த நிமிடமே அந்த ரீல்ஸை நான் அர்ச்சிவலேயே போட்டுவிட்டேன் என்று" நடிகை ஜனனி பேசியுள்ளார்.
