அன்று பரணி இன்று இவர்.. BiggBoss வீட்டிலிருந்து சுவர் ஏறி குதித்து தப்ப முயற்சி - பரபரப்பு!
Jiyath
in பிரபலங்கள்
நடிகர் கூல் சுரேஷ் பிக்பாஸ் வீட்டிலிருந்து சுவர் ஏறி குதித்து தப்பிக்க முயற்சி செய்துள்ளார்.
பிக்பாஸ்
விஜய் டிவியில் பிக்பாஸ் சீசன் நிகழ்ச்சி ஒளிபரப்பாகி வருகிறது. இந்த நிகழ்ச்சியானது இறுதி கட்டத்தை நெருங்கியுள்ள நிலையில், டிக்கெட் டு பினாலே டாஸ்க் இந்த வாரம் நடைபெற உள்ளது. இந்நிலையில் பிக்பாஸ் போட்டியாளரான நடிகர் கூல் சுரேஷ் வீட்டை விட்டு வெளியேற முயன்றிருக்கிறார்.
இதற்காக அவர் பிக்பாஸ் சீசன் 1 நிகழ்ச்சியில் நடிகர் பரணி செய்தது போலவே சேரின் உதவியுடன் பைப் வழியாக ஏறி வீட்டை விட்டு வெளியேற முயற்சித்திருக்கிறார். அப்போது இதனைப் பார்த்த மணி அவரிடம் பேசி கீழே இறங்க உதவியுள்ளார். இதனையடுத்து பிக்பாஸ், கூல் சுரேஷை அழைத்து பேசியுள்ளார்.
அறிவுரை
அப்போது கூல் சுரேஷ் அவரிடம் "வீட்டில் சில பிரச்னைகளை தீர்த்து வைக்காமல் வந்து விட்டேன். வீட்டுக்குச் செல்ல வேண்டும் என கூறியுள்ளார். அப்போது பிக்பாஸ், இத்தனை நாட்கள் இந்தப் போட்டியில் தாக்குப்பிடித்தது தொடர்பாகவும்,
அவர் பாதியிலேயே வீட்டை விட்டு வெளியேறினால் அது அவருடைய குடும்பத்தை பாதிக்கும், அவர்களுக்காகவாவது போட்டியில் ஜெயித்து விட்டு செல்லுங்கள் என கூல் சுரேஷிற்கு அறிவுரை வழங்கியிருக்கிறார். இதனையடுத்து மீண்டும் பிக்பாஸ் போட்டிக்கு திரும்பியுள்ளார் கூல் சுரேஷ். இது தொடர்பான வீடியோ சமூக வலைத்தளங்களில் வைரலாகி வருகிறது.
