மருத்துவமனையில் பாரதிராஜாவைப் பார்த்தேன் - கவிஞர் வைரமுத்து டுவிட்

கவிஞர் வைரமுத்து இயக்குநர் பாரதிராஜாவை மருத்துவமனையில் நேரில் சென்று நலம் விசாரித்தார்.

இயக்குனர் பாரதிராஜா

தமிழ் திரையுலகின் முன்னணி இயக்குநராக வலம் வருபவர் இயக்குநர் பாரதிராஜா. இவர் தற்போது படங்களை இயக்குவதை நிறுத்தி விட்டு தமிழ் சினிமாவில் குணசித்திர வேடங்களில் நடித்து வருகிறார். சமீபத்தில் தனுஷ் நடிப்பில் வெளியான ‘திருச்சிற்றம்பலம்’ படத்தில் தனுசுக்கு தாத்தாவாக பாரதிராஜா நடித்துள்ளார். 

மருத்துவமனையில் அனுமதி

நேற்று இயக்குநர் பாரதிராஜாவுக்கு திடீரென உடல்நலக்குறைவு ஏற்பட்டது. இதனையடுத்து, இயக்குநர் பாரதிராஜா நேற்று சென்னை தியாகராய நகரில் உள்ள தனியார் மருத்துவமனையில் அனுமதிக்கப்பட்டார். மருத்துவமனையில் பாரதிராஜாவிற்கு சர்க்கரை அளவு பரிசோதனை செய்யப்பட்டது.

அவருக்கு, உடலில் உப்பின் அளவும் நீர்ச்சத்தின் அளவும் குறைவாக உள்ளதாக பரிசோதனை முடிவில் தெரியவந்தது. இதனால், பாரதிராஜா சோர்வாக இருந்ததால் அவருக்கு ஓய்வு தேவை என்று மருத்துவர்கள் அறிவுறுத்தியுள்ளனர். தற்போது மருத்துவமனையில் பாரதிராஜா சிகிச்சை பெற்று வருகிறார்.

நேரில் நலம் விசாரித்த வைரமுத்து

இந்நிலையில், கவிஞர் வைரமுத்து இயக்குநர் பாரதிராஜாவை மருத்துவமனையில் நேரில் சென்று நலம் விசாரித்தார்.

இது குறித்து கவிஞர் வைரமுத்து தனது டுவிட்டர் பக்கத்தில் ஒரு பதிவு ஒன்றை வெளியிட்டுள்ளார்.

அந்த பதிவில்,

பாரதிராஜா மருத்துவமனையில்

பாரதிராஜாவைப் பார்த்தேன்

நலிந்த நிலையிலும்

நகைச்சுவை தீரவில்லை

சின்னச் சின்னப்

பின்னடைவுகளைச் சீர்செய்ய

சுத்த மருத்துவர்கள்

சூழ நிற்கிறார்கள்

அல்லி நகரத்தை

டில்லி நகரத்திற்கு

அழைத்துச் சென்ற

மகா கலைஞன்

விரைவில் மீண்டு வருவார்

கலையுலகை ஆண்டு வருவார்

என்று பதிவிட்டுள்ளார். 

பாரதிராஜா
மருத்துவமனையில்
பாரதிராஜாவைப் பார்த்தேன்

நலிந்த நிலையிலும்
நகைச்சுவை தீரவில்லை

சின்னச் சின்னப்
பின்னடைவுகளைச் சீர்செய்ய
சுத்த மருத்துவர்கள்
சூழ நிற்கிறார்கள்

அல்லி நகரத்தை
டில்லி நகரத்திற்கு
அழைத்துச் சென்ற
மகா கலைஞன்
விரைவில்
மீண்டு வருவார்
கலையுலகை
ஆண்டு வருவார்

— வைரமுத்து (@Vairamuthu) August 24, 2022

பாரதிராஜா இன்னும் ஓரிரு நாட்களில் வீடு திரும்புவார் என்று மருத்துவமனை வட்டாரத்திலிருந்து தகவல் வெளியாகியுள்ளது.

பாரதிராஜா நலம் பெற சினிமாத்துறை பிரபலங்கள் அவருக்கு சமூகவலைத்தளங்களில் வாழ்த்து தெரிவித்து வருகின்றனர்.