பாக்கியலட்சுமி சீரியல் நடிகருக்கு செய்வினை..போனில் மிரட்டல் - போலீஸில் புகார்!
Swetha
in தொலைக்காட்சி
சின்னத்திரை நடிகர் சதீஷ் குமாருக்கு, பெண் ஒருவர் மிரட்டல் விடுத்தது அதிர்ச்சியை ஏற்படுத்தியுள்ளது.
சீரியல் நடிகர்
விஜய் டிவியில் ஒளிபரப்பாகி வரும் பிரபலமான தொடர் தான் பாக்கியலட்சுமி. அதில் நடித்து வருபவர் சதீஷ்குமார்(40). இந்த தொடரில் இவர் நடித்து வரும் கோபி கதாப்பாத்திரம் ரசிகர்களிடையே மிகப்பிரபலம். இவரது நடிப்பிற்காகவே இந்த தொடரை பார்ப்பதாகக்கூட, சமூக வலைதளங்களில் ரசிகர்கள் கூறுவதுண்டு.
இந்த நிலையில், பெண் ஒருவர் இவருக்கு மிரட்டல் விடுத்திருப்பது பெரும் பரப்பரப்பைய் ஏற்படுத்தியுள்ளது. கடந்த ஆண்டு காலாசேத்திரா காலணியில் உள்ள அருள்மிகு அறுபடை முருகன் கோயிலுக்கு சதீஷ் தரிசனம் செய்ய சென்றுள்ளார்.
போலீஸில் புகார்
அப்போது 40 வயது மதிக்கத்தக்க பெண் ஒருவர் சதீஷ் குமாருடன் போட்டோ எடுக்க வேண்டும் என கூறியிருக்கிறார். ஆனால் அவர் அதற்கு மறுப்பு தெரிவித்திருக்கிறார். அத்துடன் சில நாட்கள் கழித்து அந்த பெண், தொலைபேசி அழைப்பு மூலம் சதீஷை தொடர்புகொண்டு தொடர்ந்து தொந்தரவு செய்திருக்கிறார்.
இதனையடுத்து அந்த பெண்ணின் செல்போன் எண்ணையும் சதீஷ் ப்ளாக் செய்திருக்கிறார். அதுமட்டுமின்றி, சில நாட்களுக்கு முன்னர் சதீஷ்குமாரின் வீட்டிற்கு வந்த அந்த பெண், குங்குமம் தடவிய எலுமிச்சை பழத்தை வீட்டில் வைத்துவிட்டு செய்வினை செய்துவிடுவேன் எனவும் மிரட்டியதாக கூறப்படுகிறது. இதுதொடர்பாக சதீஷ்குமார் போலீசாரிடம் புகார் அளித்திருக்கிறார்.
