இனி வெறும் 2 மணி நேரம்தான்.. பெங்களூரு - சென்னை ஈஸி!

இரு நகரங்கள் இடையேயான பயண நேரத்தை குறைக்கும் பணி நடந்து வருகிறது.

பெங்களூரு - சென்னை

பெங்களூருவிலிருந்து சென்னைக்குச் செல்ல ஐந்து முதல் ஆறு மணி நேரம் ஆகும். இந்நிலையில், ரூ.15,188 கோடி செலவில் 262 கி.மீ. நீளமுள்ள விரைவுச்சாலை பணி நடந்து வருகிறது.

இந்த விரைவுச்சாலை, பெங்களூருவிலிருந்து சென்னைக்குச் செல்லும் தூரத்தை சுமார் 80 கி.மீ. குறைப்பது மட்டுமல்லாமல், தற்போதைய தேசிய நெடுஞ்சாலைகளில் போக்குவரத்து நெரிசலைக் குறைக்கவும் உதவும்.

இது தென்னிந்தியாவின் இரண்டு முக்கிய நகரங்களுக்கு இடையே வர்த்தகத்தை அதிகரிக்கவும் உதவும். 2022 இல் தொடங்கப்பட்ட இந்தத் திட்டத்தின் முதல் கட்டம் 2023 இல் நிறைவடையும் என எதிர்பார்க்கப்பட்டது. இதுவரை மொத்தப் பாதையில் சுமார் 100 கி.மீ. தூரம் பணிகள் நிறைவடைந்துள்ளன.

மீண்டும் அறிமுகமாகும் டிக்டாக், அலி எக்ஸ்பிரஸ்? பரவும் தகவல்!

2 மணி நேரம்தான்..

புதிய விரைவுச்சாலை திறக்கப்பட்டதும், வாகனங்கள் மணிக்கு 120 கி.மீ. வேகத்தில் பயணிக்க முடியும். இந்தத் திட்டத்திற்கு கூடுதலாக, பெங்களூரு-ஹைதராபாத், பெங்களூரு-புனே உள்ளிட்ட பிற முக்கிய வழித்தடங்களுக்கான விரிவான திட்ட அறிக்கைகளை மத்திய அரசு தயாரித்து வருகிறது.

மேலும் தற்போது, கர்நாடகா, ஆந்திரா, தமிழ்நாடு ஆகிய மாநிலங்களில் விரைவுச்சாலையின் பல்வேறு பகுதிகள் கட்டுமானத்தின் பல்வேறு கட்டங்களில் உள்ளன.