ஒரு நாளைக்கு 2, 3 முறை காஃபி குடிப்பவர்களுக்கு முக்கிய அறிவிப்பு ...!

சுறுசுறுப்பாக இருக்க வேண்டும் என்பதற்காக அடிக்கடி காஃபி குடிக்கும் பழக்கம் உள்ளவரா நீங்கள்? அல்லது நீங்கள் ஒரு காஃபி லவ்வரா? . அது எதுவாகினும் இப்படியான குணம் கொண்டவர்களுக்கு மகிழ்ச்சியான செய்தி ஒன்று வெளியாகியுள்ளது. 

அதன்படி சமீபத்திய ஆய்வின்பட மூலம், ஒரு நாளைக்கு இரண்டு முதல் மூன்று கப் காஃபி குடிப்பது இதயத்திற்கு நல்லது என்பது கண்டறியப்பட்டுள்ளது. காஃபியில் கூட ஆன்டி-ஆக்ஸிடன்ட்கள் போன்ற சில ஊட்டச்சத்துக்கள் சில குறிப்பிட்ட வியாதிகள் ஏற்படுத்தும் இடர்பாட்டை பெருமளவில் குறைக்கிறது. 

• மனநிலை, நினைவாற்றல், எச்சரிக்கை தன்மை மற்றும் எதிர்வினை நேரம் போன்ற சில மூளையின் செயல்பாடுகளை காபி மேம்படுத்தும் என்பதால் தான் பலரும் வேலையின் போது அடிக்கடி காஃபி குடிக்கிறார்கள்.
• கல்லீரலைப் பாதுகாக்கவும் காஃபி பயன்படுகிறது. அதேசமயம் மன அழுத்தத்தை எதிர்த்து போராடும் அருமருந்தாகவும் காஃபி உள்ளது.
• காஃபியினால் கிடைக்கும் மற்றொரு பயன் அட்ரினலின் ரஷ் எனப்படும் உடல் ரீதியான செயல்பாடுகளை மேம்படுத்த உதவுவதாகும். 
• பொட்டாசியம், மாங்கனீஸ், பாண்டோதெனிக் அமிலம், நையாசின், மக்னீசியம் மற்றும் ரைபோஃப்ளேவின் போன்றவை காஃபியில் அடங்கியுள்ளது. 
• பார்கின்சன் நோய் எனப்படும் நடுக்குவாத நோயை தடுக்கவும் கூட காப்ஃபைன் முக்கிய பங்கை வகிக்கிறது. கொழுப்பை எரிக்கும் பொருட்களில் மிக முக்கியமானது காப்ஃபைன் என்பதால் காஃபி குடித்தால் உடல் எடை குறையும் என நினைப்பது தவறு. 
• சர்க்கரை நோயைத் (டைப் 2) தடுக்கவும் காபி உதவுகிறது என சில ஆய்வுகள்  தெரிவிக்கிறது. 

இத்தகைய காஃபியின் நன்மைகளை தெரிந்துக் கொண்ட பின்பும் தொடர்ந்து அடிக்கடி குடிக்காமல் தினசரி வாழ்வில் குறிப்பிட்ட கால இடைவெளியில் பருகுவது நல்லது.