பிசிசிஐ முன்னாள் தலைவர் கங்குலிக்கு , Z பிரிவு பாதுகாப்பு : காரணம் என்ன?

பிசிசிஐ முன்னாள் தலைவர் சவுரவ் கங்குலியின் பாதுகாப்பை z பிரிவாக உயர்த்த உள்ளதாக தகவல் வெளியாகியுள்ளது.

சவுரவ் கங்குலி 

இந்திய அணியின் முன்னாள் கேப்டனும் பிசிசிஐ முன்னாள் தலைவருமான சவுரவ்கங்குலியின் பாதுகாப்பை மேற்கு வங்க அரசு z பிரிவுக்கு உயர்த்தியுள்ளது. கங்குலிக்கு வழங்கப்பட்ட ஓய் பிரிவு பாதுகாப்பின் பதவிக்காலம் நேற்றுடன் முடிவடைந்த நிலையில் தற்போது z பிரிவுக்கு உயர்த்த மேற்கு வங்க அரசு முடிவு செய்துள்ளது.

 அதிகரிக்கும் பாதுகாப்பு 

கங்குலியின் ஒய் பிரிவு பாதுகாப்பின் காலம் முடிவடைந்த நிலையில், இதுதொடர்பாக மேற்கு வங்க அரசு மறு ஆய்வு செய்தது. இதில், கங்குலியின் பாதுகாப்பு வளையத்தை இசட் வகைக்கு உயர்த்த முடிவு செய்யப்பட்டுள்ளது. புதிய Z பிரிவு பாதுகாப்பு ஏற்பாட்டின்படி, முன்னாள் பிசிசிஐ தலைவருக்கு 8 முதல் 10 போலீசார் பாதுகாப்பு வழங்குவார்கள் என்று மூத்த அதிகாரி ஒருவர் தெரிவித்தார்.