அயோத்தியில் ராமர் கோயில் கட்ட ரூ.1 லட்சம் நன்கொடை- முஸ்லீம் தொழிலதிபர் வழங்கினார்

அயோத்தியில் ராமர் கோயில் கட்டுவதற்காக சென்னை சேத்துப்பட்டை சேர்ந்த முஸ்லீம் தொழிலதிபர் ஹபீப் ரூ.1 லட்சத்தை நன்கொடையாக வழங்கி இருக்கிறார். அயோத்தியில் ராமர் கோயில் கட்டுவதற்கான நிதி சேகரிக்கும் பணிகளை 'ராம ஜென்மபூமி தீர்த்த ஷேத்ர' அறக்கட்டளை தொடங்கி இருக்கிறது. நிதி திரட்டும் பணியில் ஆர்எஸ்எஸ், பாஜக, விஸ்வ இந்து பரிஷத் உள்ளிட்ட அமைப்புகள் களமிறங்கி இருக்கின்றன.

நாடு முழுவதும் 4 லட்சம் கிராமங்களுக்கு நேரில் சென்று 11 கோடி குடும்பங்களை சந்தித்து நிதி திரட்ட இந்து அமைப்புகள் முடிவு செய்திருக்கின்றன. அதனையடுத்து, நிதி சேகரிப்பு கடந்த ஜனவரி 31-ம் தேதி தொடங்கியது. பிப்ரவரி 28-ம் தேதி வரை நிதி சேகரிக்கப்பட இருக்கிறது. இதுவரை ரூ.1,500 கோடி கிடைத்துள்ளதாக தகவல்கள் வெளியிடப்பட்டுள்ளது.

இந்நிலையில், சென்னை சேத்துப்பட்டை சேர்ந்த கட்டுமானத் தொழிலில் ஈடுபட்டுள்ள முஸ்லீம் தொழிலதிபர் ஹபீப் என்பவர், ராமர் கோயில் கட்ட ரூ.1 லட்சத்து 8 நன்கொடையாக வழங்கி இருக்கிறார். இத்தொகையை சென்னை மாநகர இந்து முன்னணி செயலாளர் டி.இளங்கோவனிடம் ஹபீப் வழங்கியுள்ளார்.