நெல்லையில் ஆட்டோ கவிந்து விபத்து - 5 வயது சிறுவன் உயிரிழப்பு..!

நெல்லையில் மாவட்டத்தில் ஆட்டோ கவிழ்ந்த விபத்தில் 5 வயது சிறுவன் நிகழ்விடத்திலேயே உயிரிழந்தான்.

ஆட்டோ கவிழ்ந்து விபத்து

திருநெல்வேலி மாவட்டம் வெட்டியபந்தி பகுதியிலிருந்து கேடிசி நகர் அருகில் உள்ள தனியார் பள்ளிக்கு ஆறு மாணவ மாணவிகளை ஏற்றிக்கொண்டு ஆட்டோ ஒன்று சென்றது.

ஆட்டோ வசவப்புரம்-செய்துங்கநல்லூர் சாலையில் அனவரதநல்லூர் அருகே வந்த போது எதிர்பாராத விதமாக நிலை தடுமாறி கவிழ்ந்து விபத்துக்குள்ளானது.

சிறுவன் உயிரிழப்பு 

இதில் ஆட்டோவுக்கு அடியில் சிக்கி எல்கேஜி படிக்கும் 5 வயதான செல்வ நவீன் எனும் மாணவன் சம்பவ இடத்திலேயே பரிதாபமாக உயிரிழந்தார்.

மேலும், 5 குழந்தைகளை படுகாயங்களுடன் அங்கிருந்தோர் மீட்டு அருகிலுள்ள தனியார் மருத்துவமனையில் சிகிச்சைக்காக அனுப்பிவைத்தனர். இது தொடர்பாக காவல்துறை வழக்குப்பதிவு செய்து விசாரணை நடத்தி வருகிறது.