நடிகர் பொன்னம்பலத்திற்கு விஷம் கொடுத்து கொலை செய்ய முயற்சி..!

தனக்கு விஷம் கொடுத்து கொலை செய்ய தனது அண்ணனே முயன்றதாக வில்லன் நடிகர் பொன்னம்பலம் பகீர் கிளப்பியுள்ளார்.

சினிமாவில் அறிமுகம் 

தமிழ் சினிமாவில் நடிகர் பிரபு நடித்த கலியுகம் திரைப்படம் மூலம் அறிமுகமானவர் பொன்னம்பலம். இதை தொடர்ந்து அபூர்வ சகோதரர்கள், வெற்றி விழா, மைக்கேல் மதன காமராஜன், புது மனிதன், பரதன், செந்துார் பாண்டியன், சந்திரலேகா, தாய் மாமன், கூலி, சிம்மராசி, முத்து, நாட்டாமை, பகவதி உள்ளிட்ட திரைப்படங்களில் நடித்துள்ளார்.

இதில் முத்து, நாட்டாமை,அமர்க்களம் ஆகிய படங்கள் பொன்னம்பலத்திற்கு பெரிய அளவில் ஹிட் படங்களாக அமைந்தன. இவர் மலையாளம், கன்னடம், தெலுங்கு ஆகிய மொழிகளிலும் ஏராளமான படங்களில் நடித்துள்ளார்.

விஜயகாந்த், ரஜினிகாந்த், கமல் ஹாசன், சரத்குமார், அர்ஜுன் என்று பிரபலங்கள் உள்ளிட்ட முன்னணி நடிகர்களுடன் நடித்துள்ளார்.

கொலை செய்ய முயற்சி 

இந்த நிலையில் பொன்னம்பலம் தனது அண்ணனே தன்னை கொலை கொலை செய்ய முயற்சித்தது குறித்து அதிர்ச்சி தகவலை பகிர்ந்துள்ளார்.

பொன்னம்பலம் தந்தைக்கு நான்கு மனைவிகள். அதில் 3வது மனைவியின் மகன் அதாவது தனது அண்ணனை அவர் மேனேஜராக வைததிருந்தார்.

அப்போது அவர் ஸ்லோ பாய்சன் கொடுத்து பொன்னம்பலத்தை கொலை செய்ய முயற்சித்தது தெரியவந்தது. அவரைவிட தான் நன்றாக வளர்ந்து வந்ததால், அவர் அவ்வாறு நடந்து கொண்டதாக பொன்னம்பலம் தெரிவித்துள்ளார்.ஆனால் அதன்பிறகு அவரை மன்னித்து விட்டதாகவும் பொன்னம்பலம் கூறியுள்ளார்.