"அந்த" விஷயத்தில் நம்பவைத்து ஏமாற்றிய அட்லீ...சாக்ஷி அகர்வால்

ராஜா ராணி படத்தில் தான் ஏமாற்றப்பட்டதாக நடிகை சாக்ஷி அகர்வால் சமீபத்திய பேட்டி ஒன்றில் தெரிவித்துள்ளார்.

சாக்ஷி அகர்வால்

2013-ஆம் ஆண்டு அட்லீ இயக்கத்தில் ஆர்யா, நயன்தாரா, சந்தானம் ஆகியோர் நடிப்பில் வெளியான "ராஜா ராணி" படத்தில் நடித்து அறிமுகமானவர் சாக்ஷி அகர்வால். மாடலிங் மூலம் திரையுலகில் நுழைந்த சாக்ஷி இதுவரை 100-ற்கும் மேற்பட்ட விளம்பர படங்களில் நடித்து இருக்கிறார்.

தொடர்ந்து ரஜினியுடன் காலா, அஜித்துடன் விசுவாசம், அரண்மனை 3 போன்ற படங்களில் சிறு சிறு பாத்திரங்களில் நடித்துள்ள சாக்ஷி அகர்வால், பிக் பாஸ் நிகழ்ச்சி மூலம் தமிழகத்தில் மிகவும் பிரபலமடைந்தார். தற்போது ஓரிரு படங்களில் நடித்து வரும் அவர், அண்மை பேட்டி ஒன்றில் அட்லீயால் ஏமாற்றப்பட்ட விஷயம் குறித்து பேசியுள்ளார்.

ராஜா ராணி அனுபவம்

அந்த பேட்டியில், தான் மாடலிங் துறையில் இருந்த போது, தனக்கு சென்னையில் இருந்து காஸ்டிங் ஏஜென்சியை தொடர்பு கொண்டு ராஜா ராணி படத்தில் நடிப்பது கொண்டு பற்றி கூற, படத்தில் ஆர்யா ஹீரோ என்றும் அட்லீ இயக்குனர் என கூறியதாக தெரிவித்தார்.

அந்த படத்தில் தனக்கு இரண்டாவது ஹீரோயின் கதாபாத்திரத்தில் நடிப்பதற்கான அழைப்பு என்று சொன்னார்கள் என குறிப்பிட்ட சாக்ஷி, தான் இரண்டு நாட்கள் ஷூட்டிங் போன பிறகு, அவர்களின் அழைப்புக்காக காத்திருந்ததாக கூறினார். ஆனால், படத்தோட சூட்டிங் முடிந்து ரிலீஸ் ஆகிவிட்ட நிலையிலும், தனக்கு எந்த அழைப்பும் வரவில்லை என் கூறி, அந்த தவறு எப்படி நடந்தது என்று எனக்கு தெரியவில்லை என்றும் அதைப் பற்றி தான் பெரிதாக பேச விரும்பவில்லை என்று வருத்தத்துடன் கூறியுள்ளார்.