சிறுபான்மையினருக்கு தொடர்ந்து குரல் கொடுக்கும் அசாதுதீன் ஓவைசி - அரசியல் பாதை!

அசாதுதீன் ஓவைசி அகில இந்திய மஜ்லிஸ்-இ-இத்தேஹாதுல் முஸ்லிமீன் (AIMIM) இன் தலைவராக உள்ளார்.

பிறப்பு, படிப்பு 

1969ல் சுல்தான் சலாவுதீன் ஒவைசி மற்றும் நஜ்முன்னிசா பேகம் தம்பதியினருக்கு பிறந்தார். ஹைதராபாத் அரசியல் குடும்பத்தில் இருந்து வந்தவர். நிஜாம் கல்லூரியில் கலைப்பட்டம் பெற்றார். லண்டனில் எல்எல்பி முடித்து தொழில் ரீதியாக பாரிஸ்டர் பட்டம் பெற்றார். 1996 இல் ஃபர்ஹீன் ஒவைசியை மணந்தார்.இவர்களுக்கு 6 குழந்தைகள் உள்ளனர்.

1994ஆம் ஆண்டு ஆந்திரப் பிரதேச சட்டப் பேரவைத் தேர்தலில் அசாதுதீன் அரசியலில் அறிமுகமானார். 1967 ஆம் ஆண்டு தனது கட்சி வெற்றி பெற்று வரும் சார்மினார் தொகுதியில் போட்டியிட்ட அவர், தனது நெருங்கிய போட்டியாளரான மஜ்லிஸ் பச்சாவ் தெஹ்ரீக்கின் வேட்பாளரை 40 ஆயிரம் வாக்குகள் வித்தியாசத்தில் தோற்கடித்தார்.

அரசியல் பார்வை

1999 தேர்தலில், சையத் ஷா நூருல் ஹக் குவாட்ரியை 93 ஆயிரம் வாக்குகள் வித்தியாசத்தில் தோற்கடித்து 126 ஆயிரம் வாக்குகளைப் பெற்றார். 2004ல் ஹைதராபாத் தொகுதிக்கு மக்களவைக்குத் தேர்ந்தெடுக்கப்பட்டார். 2009 இந்தியப் பொதுத் தேர்தலில், ஓவைசி வெற்றி பெற்று அலி கானை 110 ஆயிரம் வாக்குகள் வித்தியாசத்தில் தோற்கடித்தார். 2வது முறையாக மக்களவைக்குத் தேர்ந்தெடுக்கப்பட்டார்.

2014ல் பாஜக பகவந்த் ராவை 197 ஆயிரம் வாக்குகள் வித்தியாசத்தில் தோற்கடித்து மீண்டும் வெற்றி பெற்றார். 2015 பீகார் சட்டப் பேரவைத் தேர்தலில் தனது கட்சியான AIMIM முக்கியமாக முஸ்லீம்கள் அதிகம் உள்ள சீமாஞ்சல் பகுதியில் இருந்து போட்டியிடும் என்று அறிவித்தார். ஆனால், 20 இடங்களில் 5 இடங்களை மட்டுமே அவரது கட்சி வென்றது.

முன்னெடுப்பு

2019ல் ஓவைசி மீண்டும் பாஜக வேட்பாளரை 2.73 லட்சம் வாக்குகள் வித்தியாசத்தில் தோற்கடித்தார். 2008 மும்பை தாக்குதலுக்குப் பிறகு , அப்பாவி மக்களைக் கொன்றதற்காக ஜாகியுர் ரஹ்மான் லக்வி மற்றும் ஹபீஸ் சயீத் மீது நடவடிக்கை எடுக்க வேண்டும் என்று ஓவைசி கோரினார். அரசு வேலை மற்றும் கல்வி நிறுவனங்களில் பிற்படுத்தப்பட்ட முஸ்லிம்களுக்கு இடஒதுக்கீட்டை ஆதரிக்கிறார்.

இந்துத்துவ சித்தாந்தத்திற்கு எதிரானவர். ஆனால் இந்துக்களுக்கு எதிரானவர் அல்ல என்ற நிலைப்பாட்டை கடைப்பிடிக்கிறார். மத யாத்திரைக்காக மெக்காவுக்குச் செல்வதற்காக இந்திய முஸ்லிம்களுக்கு வழங்கப்பட்ட ஹஜ் மானியத்தை ரத்து செய்ய வேண்டும் என்றும், அதற்குப் பதிலாக முஸ்லிம் பெண்களின் கல்விக்காகப் பணத்தைப் பயன்படுத்த வேண்டும் என்றும் வாதிட்டார்.

வழக்குகள்

2017 இல், பசுவதைத் தடை விவகாரத்தில், உத்தரப்பிரதேசம் மற்றும் வட இந்திய மாநிலங்களில் பசுவைப் புனிதமாக நடத்துவதில் பாஜக பாசாங்குத்தனமாக இருப்பதாக விமர்சித்தார். ஆனால் வடகிழக்கு, கோவா மற்றும் கேரளாவில் அது புனிதமானது அல்ல எனவும் தெரிவித்தார். முஸ்லீம் ஆண்கள் காரணமின்றி உடனடி முத்தலாக் மூலம் தங்கள் மனைவியை விவாகரத்து செய்வதை சமூக ரீதியாக புறக்கணிக்க வேண்டும் என வலியுறுத்தினார்.

ஓவைசி, அவரது தம்பி அக்பருதீனுடன் சேர்ந்து 2005 ஆம் ஆண்டு மேடக் மாவட்ட ஆட்சியரை தவறாக நடத்தியது தொடர்பான குற்றச்சாட்டுகளுக்காக வழக்குப்பதிவு செய்யப்பட்டு சிறையில் அடைக்கப்பட்டார். 2009 ஆம் ஆண்டு, மொகல்புரா பகுதியில் தெலுங்கு தேசம் கட்சியின் (டிடிபி) வாக்குச் சாவடி முகவரான சையத் சலீமுதீனை விரட்டிச் சென்று தாக்கியதற்காக வழக்குப்பதிவு செய்யப்பட்டது.

சர்ச்சைகள்

2013 இல், கர்நாடகாவின் பிதாரில் அனுமதியின்றி ஒரு பேரணியை ஏற்பாடு செய்ததற்காகவும் உரிமம் இல்லாமல் துப்பாக்கியை எடுத்துச் சென்றதற்காகவும் கைது செய்யப்பட்டார். ஒவைசிக்கு 2014 சன்சத் ரத்னா விருது இந்திய நாடாளுமன்றத்தின் 15வது அமர்வில் சிறப்பாக செயல்பட்டதற்காக வழங்கப்பட்டது . டெக்கான் பொறியியல் மற்றும் தொழில்நுட்பக் கல்லூரியின் தலைவராவார்.

மருத்துவக் கல்வி, ஆராய்ச்சி மற்றும் மருத்துவப் பராமரிப்புத் துறையில் மருத்துவமனை செயல்படுகிறது. தேசிய மற்றும் சர்வதேச ஆராய்ச்சி நிறுவனங்களுடன் இணைந்து மருத்துவமனைகளில் ஆராய்ச்சி திட்டங்கள் மேற்கொள்ளப்படுகின்றன. உலகின் மிகவும் செல்வாக்கு மிக்க 500 முஸ்லிம்களில் ஒருவராக தொடர்ந்து பட்டியலிடப்பட்டுள்ளார். முஸ்லீம்கள் மற்றும் தலித்துகள் போன்ற சிறுபான்மையினரைச் சுற்றி அரசியல் அறிக்கைகள் மூலம் அரசியல் சர்ச்சைகள் மற்றும் செய்திகளுக்கு பிரபலமானவர்.