உயிரோடு வந்த நடிகர் மயில்சாமி..!மிமிக்ரி செய்து குரல் அஞ்சலி செலுத்திய கலைஞர்கள்

மறைந்த நகைச்சுவை நடிகர் மயில்சாமிக்கு மிமிக்ரி கலைஞர்கள் குரல் அஞ்சலி செலுத்தினர்.

மயில்சாமி உயிரிழப்பு 

கோவையில் மறைந்த நகைச்சுவை நடிகர் மயில்சாமி நினைவேந்தல் நிகழ்ச்சி நடைபெற்றது. அப்போது கலைஞர்கள் குரல் அஞ்சலி செலுத்தினர்.

கடந்த சில தினங்களுக்கு முன்பு நகைச்சுவை நடிகர் மயில்சாமி மாரடைப்பு காரணமாக உயிரிழந்தார். நகைச்சுவை, குணசித்திரம் என தமிழ் திரையுலகில் தனி இடத்தை பிடித்திருந்த நடிகர் மயில்சாமி மேடைகளில் மிமிக்ரி செய்வதிலும் தனி திறமை கொண்டவர். இவரது மறைவுக்கு திரையுலகினர் மட்டுமின்றி பல்வேறு அரசியல் தலைவர்களும் இரங்கல் தெரிவித்தனர்.

கலைஞர்கள் குரல் அஞ்சலி 

இந்த நிலையில் கோவை சரவணம்பட்டியில் தமிழ்நாடு பலகுரல் கலைஞர்கள் சார்பில் அஞ்சலி கூட்டம் நடைபெற்றது. பலகுரல் கலைஞர்கள் மறைந்த மயில்சாமி அடிக்கடி மிமிக்ரி செய்யும் எம்ஜிஆர் மற்றும் நம்பியார் ஆகியோரின் குரல்களிலும் பேசி அஞ்சலி செலுத்தினர்.

தங்களது அபிமான கலைஞரின் குரலில் பேசி பலகுரல் கலைஞர்கள் அஞ்சலி செலுத்தியது அங்கு கூடியிருந்தவர்களை நிகழ்ச்சியில் ஆழ்த்தியது.

இதில் மிமிக்ரி கலைஞர்கள் கோவை குணா, சென்னை கிரி, கோவை குமார், கோவை கணேஷ், ஈரோடு அன்பு, ஈரோடு சீனி, ஈரோடு ரவிச்சந்திரன், கோவை குரு உட்பட பொது மக்கள் பல கலந்து கொண்டனர்.