மிகப்பெரும் தொகைக்கு ஏலம் போன நடிகர் அர்னால்டின் கைக்கடிகாரம் - அத்தனை கோடியா..?

நடிகர் அர்னால்டின் கைக்கடிகாரம் சுமார் ரூ.2 கோடி 45 லட்சம் தொகைக்கு ஏலம் போனது.

நடிகர் அர்னால்ட்

உலகம் முழுவதும் கோடிக்கணக்கான ரசிகர்களை கொண்டவர் ஹாலிவுட் நடிகர் அர்னால்ட் ஸ்வார்ஸ்னேக்கர் (76). இவர் நடிகராக மட்டுமல்லாமல் கலிபோர்னியா மாநில கவர்னராகவும் இருந்துள்ளார்.

மேலும், தான் பயன்படுத்திய பொருட்களை ஏலத்தில் விட்டு, கிடைக்கும் தொகையை மாசுபாடுக்கு எதிரான நடவடிக்கைகளுக்காக நன்கொடையாக அளிப்பதாக அறிவித்திருந்தார்.

கைக்கடிகாரம் 

இந்நிலையில் ஆஸ்திரியாவில் ஸ்டான்கில்வர்ட் ரிசார்ட் எனும் தங்கும் விடுதியில் நடைபெற்ற ஏலத்தில், அர்னால்டின் கைக்கடிகாரம் சுமார் 2,70,000 யூரோ (இந்திய மதிப்பில் ரூ.2 கோடி 45 லட்சம்) தொகைக்கு ஏலம் போனது.

ஆடிமார்ஸ் பிக்கெட் எனும் சுவிட்சர்லாந்து நாட்டின் உயர் ரக கைக்கடிகார நிறுவனத்தால் அர்னால்டிற்காக பிரத்தியேகமாக வடிவமைக்கப்பட்ட இந்த கைக்கடிகாரம் சுமார் 26,000 யூரோ (இந்திய மதிப்பில் ரூ.23 லட்சம்) மதிப்புடையதாகும்.