12 வயது மூத்த நடிகையுடன் காதல் - பிரேக் அப்பிற்கு முற்றுப்புள்ளி வைத்த பிரபல தயாரிப்பாளரின் மகன்!
Sumathi
in பிரபலங்கள்
நடிகர் அர்ஜுன் கபூர் மலைகா அரோராவை பிரிந்துவிட்டதாக தகவல் பரவி வருகிறது.
நடிகர் அர்ஜுன் கபூர்
அஜித்தின் நேர்கொண்ட பார்வை, வலிமை, துணிவு பேன்ற படங்களை தயாரித்தவர் போனி கபூர். இவரது மகன் அர்ஜூன் கபூர் பாலிவுட்டின் முன்னணி நடிகராக உள்ளார்.
இவர் பாலிவுட்டில் கவர்ச்சி நடிகையாக வலம் வரும் மலைகா அரோராவை காதலித்து வருகிறார். மலைகா தமிழில் உயிரே படத்தில் இடம்பெற்ற தக்க தையா பாடலுக்கு நடனமாடி இருந்தார். இவருக்கு தற்போது 49 வயது.
பிரேக் அப்?
1998 ஆம் ஆண்டு நடிகர் சல்மான் கானின் சகோதரர் அர்பாஸ் கானை திருமணம் செய்து கொண்டார். இருவரும் கருத்து வேறுபாடு காரணமாக 2017 விவாகரத்து பெற்று பிரிந்தனர். இவர்களுக்கு 20 வயதில் அர்ஹான் என்கிற மகன் உள்ளார்.
இந்நிலையில் 50 வயதை நெருங்கவுள்ள இவர் கர்ப்பமாக இருப்பதாகவும், அர்ஜூன் கபூருக்கு வாரிசு வரப்போவதாகவும் தகவல் பரவியது. அதன்பின் தான் கர்ப்பமாக இருப்பதாக பரவிய செய்தி உண்மையில்லை என மலைகா விளக்கமளித்திருந்தார்.
இந்நிலையில், தற்போது இருவரும் பிரிந்துவிட்டதாக தகவல் வெளியானது. தொடர்ந்து, அர்ஜுன் கபூர் தனது இன்ஸ்டாகிராமில் மலைகாவுடன் எடுத்துக்கொண்ட செல்ஃபியை பகிர்ந்து பிரேக் அப் சர்ச்சைக்கு முற்றுப்புள்ளி வைத்துள்ளார்.
