இதுக்கு முன்னாடி சன்னிலியோன் இப்போ அனுபமா.. வைரலாகும் மார்க்லிஸ்ட்!
பீகார் ஆசிரியர் தகுதித் தேர்வு சான்றிதழில் பிரபல நடிகை அனுபமாவின் புகைப்படம் இடம்பெற்றுள்ளது சர்ச்சையைக் கிளப்பியுள்ளது.
மாநிலம் முழுவதும் காலியாக உள்ள 37 ஆயிரம் ஆசிரியர் பணியிடங்களுக்கான தேர்வு கடந்த ஆண்டு ஜனவரி மாதம் பிகாரில் நடைபெற்றது.
மொத்தம் 2 லட்சத்து 47 ஆயிரம் மாணவர்கள் கலந்துகொண்ட இந்தத் தேர்வில் வினாத்தாள் வெளியான சம்பவத்தால் செப்டம்பர் மாதம் ஆன்லைன் மூலம் மறு தேர்வு நடத்தப்பட்டது.
அதனால், கடந்த மார்ச் 12ஆம் தேதி 12 பாடப்பிரிவுகளுக்கான ஆசிரியர் தகுதித் தேர்வுகளுக்கான முடிவுகள் வெளியிடப்பட்டன.மீதமுள்ள 3 பாடங்களுக்கான ஆசிரியர் தகுதித் தேர்வு முடிவுகள் ஜூன் 21ஆம் தேதி வெளியானது.
இந்த தேர்வுகள் முடிவுகள் மீது தற்போது பல்வேறு புகார்கள் எழுந்துள்ளது. அந்த வகையில் பீகாரின் ஜெகநாபாத் பகுதியைச் சேர்ந்த ரிஷிகேஷ் குமார் என்பவர் பிகார் மாநில ஆசிரியர் தகுதித் தேர்வில் கலந்து கொண்டு தேர்வு எழுதியிருந்தார்
.அவருக்கு தேர்வு வாரியம் வெளியிட்ட ஆசிரியர் தகுதித் தேர்வு முடிவுகளில் அவர் தேர்வு பெற்றதாக அறிவிக்கப்பட்டார்
ஆனால் அவரது சான்றிதழில் அவரது புகைப்படத்திற்கு மாற்றாக தமிழ், தெலுங்கு, மலையாளம் உள்ளிட்ட மொழித் திரைப்படங்களில் நடித்த பிரபல நடிகை அனுபமாவின் புகைப்படம் இடம் பெற்றிருந்ததால் அதிர்ச்சியடைந்துள்ளார்.
TRENDING: ANUPAMA PARAMESWARAN CLEARED BIHAR 'STATE TEACHER ELIGIBILITY TEST'? MARK SHEET WITH HER PHOTOGRAPH GOES VIRAL!https://t.co/nw4563WUT1 pic.twitter.com/hnaWt7h3ka
— flexposters (@flexposters1) June 25, 2021
இது குறித்து ரிஷிகேஷ் குமார் புகாரளித்துள்ளார். இந்த விவகாரம் தொடர்பாக விளக்கமளித்துள்ள பிகார் பள்ளி தேர்வு வாரியம் கணினியை கையாள்பவரின் கவனக்குறைவினால் இந்த தவறு ஏற்பட்டிருக்கலாம் எனத் தெரிவித்துள்ளது.
கடந்த முறை இதே போல் சன்னிலியோன் புகைப்படமும் ஒரு தேர்வில் வெளியாகி பரபரப்பை ஏற்படுத்திய நிலையில் தற்போது அனுபமா புகைப்படம் வெலியாகியிருப்பது இணையத்தில் பேசு பொருளாக மாறிபோய் உள்ளது.
முன்னாடி சன்னிலியோன் இப்போ அனுபமா என கலாய்த்து வருகின்றனர்.
