அண்ணாமலைதான் வேண்டும்; அதிமுக கூட்டணி வேண்டாம் - போஸ்டரால் பரபரப்பு
அதிமுக கூட்டணி வேண்டாம் என போஸ்டர் ஒட்டப்பட்டுள்ளதால் பரபரப்பு ஏற்பட்டுள்ளது.
அதிமுக கூட்டணி
தமிழக சட்டசபை தேர்தல் அடுத்த ஆண்டு நடைபெறவுள்ளது. இதில், திமுக., அதிமுக., தவெக., பாமக., பாஜக., நாம் தமிழர் உள்பட பல்வேறு கட்சிகள் தேர்தலை சந்திக்கவுள்ளன.
இதற்கிடையில் கூட்டணி குறித்த முடிவுகளும் சூடுபிடிக்கத் தொடங்கியுள்ளது. இந்நிலையில், அதிமுகவுடன் கூட்டணி அமைக்க பாஜக மாநில தலைவர் அண்ணாமலையை பதவியில் இருந்து மாற்ற பாஜக தலைமை முடிவு செய்துள்ளதாக தகவல் வெளியாகியுள்ளது.
போஸ்டரால் பரபரப்பு
குறிப்பாக, அடுத்த புதிய மாநிலத் தலைவருக்கான போட்டியில் பாஜக எம்எல்ஏ நயினார் நாகேந்திரன் முன்னிலையில் உள்ளதாக கூறப்படுகிறது.
இதனால் தற்போது ராமநாதபுரம் பா.ஜ.க. மாவட்ட செயலாளர் மேலக்கோடுமலூர் ஊராட்சி மன்ற தலைவர் செய்யாமங்கலம் கே. சரவணன் பெயரில் பரமகுடியில், போஸ்டர் ஒன்று ஒட்டப்பட்டுள்ளது.
அதில் வேண்டும்... வேண்டும்... மாநில தலைவராக அண்ணாமலை வேண்டும்... வேண்டாம்... வேண்டாம்... அதிமுக கூட்டணி வேண்டாம்... என குறிப்பிடப்பட்டுள்ளது. இதனால் அப்பகுதியில் பரபரப்பு ஏற்பட்டுள்ளது.
