‘மவுனமான மரணம் ஒன்று...’ பாட்டை பியானோவில் வசித்து வீடியோ வெளியிட்ட அனிருத்... - மயங்கிய ரசிகர்கள்...!
‘மவுனமான மரணம் ஒன்று...’ என்ற தமிழ் பாட்டை பியானோவில் வசித்து இசையமைப்பாளர் அனிருத் வெளியிட்ட வீடியோ சமூகவலைத்தளங்களில் வெளியாகி வைரலாகி வருகிறது.
இசையமைப்பாளர் அனிருத்
தமிழ் சினிமாவில் பிரபல இசையமைப்பாளராக வலம் வருபவர் அனிருத். இவருக்கென்று தனி ரசிகர் பட்டாளமே உள்ளது. பாடல்களை இசையமைப்பது மட்டுமல்லாமல் , இவருடைய காந்த குரலில் பல பாடல்களை பாடி ஹிட் கொடுத்துள்ளார். தன்னுடைய இனிமையான குரல்களால் ரசிகர்களை கவர்ந்திழுப்பார் அனிருத்.
சமீபத்தில், தனுஷ் நடிப்பில் மித்திரன் இயக்கத்தில் ‘திருச்சிற்றம்பலம்’ படம் வெளியானது. தனுஷ் படத்திற்கு சுமார் 5 ஆண்டுகள் கழித்து அனிருத் இசையமைத்தார். சமீபத்தில் நடைபெற்ற ‘திருச்சிற்றம்பலம்’ பட இசை வெளியீட்டு விழாவில், அனிருத்தும், தனுஷும் வெள்ளை வேட்டி, சட்டையில் வந்து ரசிகர்களை பரவசப்படுத்தினர்.
வைரலாகும் வீடியோ
இந்நிலையில், தன்னுடைய இன்ஸ்டா பக்கத்தில் இசையமைப்பாளர் அனிருத் ஒரு வீடியோ ஒன்றை வெளியிட்டுள்ளார். அந்த வீடியோவில், அவர் ஒரு பாடலை பியானோவில் வாசிக்கிறார். தற்போது இது குறித்த வீடியோ சமூகவலைத்தளங்களில் வெளியாகி வைரலாகி வருகிறது. இதைப் பார்த்த அவரது ரசிகர்கள் வாழ்த்து தெரிவித்து கமெண்ட் செய்து வருகின்றனர்.
