ஏற்கனவே திருமணமான தம்பதிக்கு மணமுடித்து வைத்த அண்ணாமலை - வெளியான தகவல்!

அண்ணாமலை தனது பிறந்தநாளில் 39 ஜோடிகளுக்கு திருமணம் செய்து வைத்தது குறித்த தகவல் வெளியாகியுள்ளது. n

திருமண நிகழ்ச்சி

அண்ணாமலை தனது 39வது பிறந்தநாளையொட்டி விழுப்புரத்தில் நேற்று 39 திருமண ஜோடிகளுக்கு திருமண நடத்தி வைத்தார். இதனை அதிமுக கட்சியை சேர்ந்தவர், விழுப்புரம் மாவட்ட புரட்சித் தலைவி பேரவை செயலாளர் முரளி அதிமுகவில் இருந்து நீக்கி அக்கட்சி பொதுச்செயலாளர் எடப்பாடி பழனிசாமி அறிவிப்பு வெளியிட்டார்.

அந்த தகவல் பரபரப்பாக பேசப்பட்டு வந்தது, ஆனால் தற்பொழுது இந்த 39 தம்பதிகளில் சிலர் திருமணம் ஆனவர்கள் என்ற தகவல் வெளியாகியுள்ளது.

தகவல்

இந்நிலையில், கடந்த ஜூலை 5 ஆம் தேதி விழுப்புரம் மாவட்டம் தென்பசியார் பகுதியில் பாஜக சார்பில் நடைபெற்ற திருமண விழாவில் அண்ணாமலை கலந்துகொண்டார். அங்கு 39 ஜோடிகளுக்கு தன் கையில் தாலி எடுத்து கொடுத்து திருமணம் நடத்தி வைத்தார்.

அதில் அந்த 39 தம்பதியரில் 3 தம்பதியருக்கு ஏற்கனவே திருமணமானது தெரியவந்துள்ளது. அதுமட்டுமின்றி, அதில் ஒரு தம்பதியர் தங்கள் குழந்தைக்கு நேற்று பிறந்தநாள் கொண்டாடியது தெரியவந்துள்ளது. மேலும், சிலருக்கு ஏற்கனவே திருமணம் ஆனதாக கூறப்படுகிறது.