அனிருத்தின் அந்த விஷயத்தை கண்டுபிடிச்சதே தனுஷ் தான் - போட்டுடைத்த ஐஸ்வர்யா ரஜினி!

தனுஷ் மற்றும் இசையமைப்பாளர் அனிருத் குறித்து ஐஸ்வர்யா ரஜினிகாந்த் பேசியுள்ளார்.

ஐஸ்வர்யா ரஜினிகாந்த்

தனுஷ் நடிப்பில் வெளியான 3 என்ற படத்தின் மூலம் இயக்குநராக அறிமுகமானவர் ஐஸ்வர்யா ரஜினிகாந்த். தொடர்ந்து ‛வை ராஜா வை' என்ற படத்தை இயக்கினார். மேலும், சமீபத்தில் வெளியான லால் சலாம் என்ற படத்தை இயக்கியிருந்தார்.

இந்நிலையில் ஐஸ்வர்யா கலந்து கொண்ட நேர்காணல் ஒன்றில் தனுஷ் மற்றும் இசையமைப்பாளர் அனிருத் குறித்து பேசியுள்ளார். அவர் கூறியதாவது "அனிருத்தின் உறவினராக இருந்தபோதிலும் அவரை சினிமாவிற்கு அழைத்து வர வேண்டும் என்று ஒருபோதும் நினைக்கவில்லை. ஆனால் இந்த விஷயத்தில் உறுதியாக இருந்த தனுஷ், 3 படம் மூலம் அவரை இசையமைப்பாளராக மாற்றினார்.

விதை போட்ட தனுஷ்

அப்படி அவர் செய்யவில்லை என்றால் அனிருத் வெளிநாட்டிற்கு சென்று தன்னுடைய மேல்படிப்பை தொடர்ந்து இருப்பார். தன்னுடைய அசாத்தியமான திறமை மற்றும் உழைப்பால் அனிருத் தற்போதைய நிலைக்கு உயர்ந்துள்ளார்.

அனிருத்தின் திறமை தனுஷிற்கு மட்டுமே தெரிந்திருந்தது. அவர் 3 படம் மூலம் அனிருத்தை சினிமாவில் அறிமுகம் செய்யவில்லை என்றால் அவரது பாதையே மாறியிருக்கும். மேலும், வெளிநாட்டிற்கு அனிருத்தை மேல்படிப்பிற்காக அனுப்பவிருந்த அவரது பெற்றோரை சமாதானம் செய்து, கீபோர்ட் வாங்கிக் கொடுத்து அவரது உயர்விற்கு விதை போட்டவர் தனுஷ்தான்" என்று தெரிவித்துள்ளார்.