எடப்பாடி பழனிசாமி தலைமையில் இன்று அவசர செயற்குழு கூட்டம்

எடப்பாடி பழனிசாமி தலைமையில் அதிமுகவின் அவசர செயற்குழுக் கூட்டம் சென்னையில் இன்று நடைபெறுகிறது.

எடப்பாடி பழனிசாமி அவசர ஆலோசனை

சென்னை ராயப்பேட்டையில் உள்ள அதிமுக தலைமை அலுவலகத்தில் அவசர செயற்குழுக்கூட்டம் இன்று பிற்பகல் 2 மணியளவில் நடைபெறுகிறது. இக்கூட்டத்திற்கு பொதுச்செயலாளர் எடப்பாடி பழனிசாமி தலைமை வகிக்கிறார்.

கர்நாடக சட்டப்பேரவைத் தேர்தல் மே 10-ம் தேதி நடைபெறுகிறது. இதற்கான வேட்பு மனு தாக்கல் ஏப்.13-ம் தேதி முதல் தொடங்கியுள்ளது.

இந்த நிலையில், கர்நாடகாவில் நடைபெறும் சட்டப்பேரவை தேர்தலில் அதிமுக போட்டியிடுவது தொடர்பாக எடப்பாடி பழனிசாமி தலைமையில் இன்று நடைபெறும் அவசர செயற்குழு கூட்டத்தில் ஆலோசிக்கப்பட உள்ளது.