கோவையில் விளம்பர பேனர் சரிந்து விழுந்து 3 பேர் உயிரிழப்பு..!

கோவையில் சாலையோரம் வைக்கப்பட்டிருந்த விளம்பர பேனர் சரிந்து விழுந்ததில் 3 பேர் பரிதாபமாக உயிரிழந்தனர்.

பேனர் விழுந்து 3 பேர் உயிரிழப்பு 

கோவை மாவட்டம் கருமத்தம்பபட்டியில் விளம்பர பேனர் சரிந்து விழுந்து 3 இளைஞர்கள் உயிரிழந்தனர். கருமத்தம்பட்டி பகுதியில் விளம்பர பேனரை சிலர் அங்கு வைத்துக் கொண்டிருந்ததாகவும் அப்போது காற்று பலமாக வீசியதாகவும் கூறப்படுகிறது.

இதனால் பலத்த காற்றின் போது சிலர் பேனரை கட்டிக் கொண்டிருந்த போது சரிவதை உணர்ந்து இறங்கி தப்பிக்க முயன்றுள்ளனர். அதற்குள் இரும்பு கம்பிகள் சரிந்து விழுந்ததால் 3 பேர் உயிரிழந்துள்ளதாக கூறப்படுகிறது.

இதையடுத்து அருகில் இருந்தவர்கள் பேனர் அடியில் சிக்கியவர்களை மீட்டு மருத்துவமனைக்கு அனுப்பி வைத்தனர். இச்சம்பவம் பற்றி அறிந்து வந்த போலீசார் விசாரணை மேற்கொண்டு வருகின்றனர்.