நாக சைதன்யாவுடன் காதல் - ரகசியம் உடைத்த பிரபல நடிகை!

சமந்தாவின் முன்னாள் கணவரான நாக சைதன்யாவுடன் ஏற்பட்ட காதல் குறித்து நடிகை சோபிதா விளக்கம் அளித்துள்ளார்.

காதல்

மணிரத்னம் இயக்கிய 'பொன்னியின் செல்வன்' படத்தில் நடித்து பிரபலமானவர் சோபிதா துலிபாலா. இவருக்கும், சமந்தாவின் முன்னாள் கணவரான நாகசைதன்யாவுக்கும் காதல் மலர்ந்துள்ளதாக கிசுகிசுக்கள் பரவி வந்தது.

இருவரும் ஜோடியாக சுற்றும் புகைப்படங்கள் வெளியாகியது. அதானால் இருவரும் காதலித்து வருவதாக சர்ச்சை ஏற்பட்டது.

தொடர்ந்து, இவர்கள் இருவரும், லண்டன் ஓட்டல் ஒன்றில் சாப்பிடும் புகைப்படமும் வலைத்தளத்தில் கசிந்தது. இதன் மூலம் இருவரும் காதலிப்பது உறுதியாகி இருப்பதாக பலரும் பேசினர்.

நடிகை விளக்கம்

இந்நிலையில், இந்த சர்ச்சை குறித்து இவர் பேட்டி அளித்துள்ளார். அதில், "என்னை பற்றி காதல் வதந்திகள் பரவி உள்ளது. யாரோ ஏதோ சொல்கிறார் என்று அதையெல்லாம் கண்டு கொள்வதும், அதற்காக வருத்தப்படுவதும் பிரயோஜனம் இல்லை.

அந்த வதந்திக்கும், எனக்கும் சம்பந்தமே இல்லாதபோது அவசரமாக பதில் அளிக்க வேண்டிய அவசியம் எனக்கு இல்லை. அதேபோல எந்த தவறும் செய்யாதபோது பயப்பட வேண்டிய அவசியமும் இல்லை. என் வேலையை நான் செய்து கொண்டு போகிறேன் அவ்வளவுதான்.

பொன்னியின் செல்வன் மாபெரும் வெற்றி படத்தில் நடித்ததில் மகிழ்ச்சியோடு இருக்கிறேன்'' என்று கூறியுள்ளார்.