அச்சச்சோ ரூ.2 லட்சம் ஐபோன் காணமல் போயிடுச்சே..! தேடி அலையும் பிரபல நடிகை

நடிகை ஷாலு ஷம்மு தனது விலையுயர்ந்த ரூ.2 லட்சம் கொடுத்து வாங்கிய ஐபோனை தொலைத்துவிட்டு தேடி வருகிறார்.

தொலைந்து போன ஐபோன் 

வருத்தப்படாத வாலிபர் சங்கம் படம் உள்ளிட்ட சில படங்களில் முக்கிய கதாபாத்திரங்களில் நடித்தவர் நடிகை ஷாலு ஷம்மு என்ற ஷாம்லி. இவர் சென்னை புரசைவாக்கம் வைக்கோகாரன் தெருவில் வசித்து வருகிறார்.

இந்த நிலையில் கடந்த 9-ம் தேதி சென்னை எம்ஆர்சி நகரில் உள்ள நட்சத்திர ஹோட்டலில் நடந்த விருந்து நிகழ்ச்சியில் பங்கேற்று விட்டு சூளைமேட்டில் உள்ள தனது தோழி வீட்டில் இரவு தங்கி உள்ளார்.

பின்னர் காலையில் எழுந்து பார்த்த போது அவர் வைத்திருந்து ரூ.2 லட்சம் மதிப்புள்ள ஐபோனை காணவில்லை.எங்கு தொலைந்தது என்று அவரால் கண்டுபிடிக்க முடியவில்லை.

தேடி அலையும் நடிகை ஷாலு ஷம்மு 

இதையடுத்து கடைசியாக பங்கேற்ற நட்சத்திர ஹோட்டலுக்கு சென்று அங்கிருந்த சிசிடிவி காட்சிகளை பார்த்த போது செல்போனை யாரும் எடுப்பது போன்ற காட்சிகள் பதிவாகவில்லை.

இதனால் நொந்து போன ஷாலு ஷம்மு தனது தோழி வீட்டிலும் செல்போனை தேடி பார்த்துள்ளார். பின்னர் இதுகுறித்து பட்டினப்பாக்கம் போலீசாரிடம் செல்போன் தொலைந்துவிட்டதாக புகார் அளித்துள்ளார்.

இதையடுத்து நடிகை ஷாலு ஷம்மு உடன் விருந்து நிகழ்ச்சியில் பங்கேற்றவர்களிடம் விசாரணை மேற்கொண்டு வருகின்றனர்.