இதயம் ஒரு ரகசிய சுரங்கம்; காதலில் விழுந்த சாரா? ரசிகர்கள் புலம்பல்!

நடிகை சாரா பகிர்ந்துள்ள கவிதை பதிவு ஒன்று வைரலாகி வருகிறது.

சாரா அர்ஜூன்

2011ம் ஆண்டு இந்தியில் வெளியான 404 படத்தின் மூலம் அறிமுகமான பேபி சாரா அதே ஆண்டு தமிழில் விக்ரம் நடித்த தெய்வத் திருமகள் படத்தின் மூலம் அறிமுகமானார்.

தொடர்ந்து சைவம், விழித்திரு, சில்லுக்கருப்பட்டி உள்ளிட்ட படங்களில் நடித்துள்ளார். தொடர்ந்து, சமீபத்தில் வெளியான பிரம்மாண்ட படமான மணிரத்னம் இயக்கத்தில் வெளியான பொன்னியின் செல்வன் படத்தில், இளம் வயது நங்கை நந்தினி கதாபாத்திரத்தில் சாரா அர்ஜூன் நடித்து ரசிகர்களை கிறங்கடித்தார்.

வைரல் பதிவு

மேலும், கொட்டேஷன் கேங் படத்தில் புகைக்கும் இளம் பெண்ணாகவும் நடித்து மிரட்டியுள்ளார். இந்நிலையில், பொன்னியின் செல்வன் 2 படத்தில் தான் நடித்த காட்சிகளை இன்ஸ்டாகிராமில் பதிவிட்டு அதற்கு கேப்ஷனாக தமிழில்,

"இதயமும் ஒரு ரகசிய சுரங்கம்" என பதிவிட்டுள்ளார். இதனைப் பார்த்த ரசிகர்கள் சாரா காதலில் விழுந்து விட்டாரா? என புலம்பி வருகின்றனர். மறுபுறம் இந்த ஐடியே சாரா அர்ஜுனோடது இல்லை என்றும் அவருக்கு தமிழே தெரியாது என்றும் கிண்டலடித்து வருகின்றனர்.