மெஷினில் சிக்கிய பிரபல நடிகையின் கை; பதறிய ரசிகர்கள் - என்ன ஆச்சு?
Karthikraja
in பிரபலங்கள்
நடிகை சாய் காயத்ரி மருத்துவமனையில் அனுமதிக்கப்பட்டுள்ளார்.
சாய் காயத்ரி
ஈரமான ரோஜாவே, பாண்டியன் ஸ்டோர் போன்ற தொடர்களில் நடித்து பிரபலமானவர் நடிகை சாய் காயத்ரி.
அதன் பிறகு நீ நான் காதல் என்ற தொடரில் நடித்து வந்த இவர், 2 மாதங்களுக்கு முன் அந்த சீரியலில் இருந்து விலகினார். நடிப்பது மட்டுமின்றி, 'சாய் சீக்ரெட்ஸ்' என்ற பெயரில் அழகு பொருட்கள் தயாரிக்கும் நிறுவனத்தை நடத்தி வருகிறார்.
மெஷினில் சிக்கிய கை
இந்த நிறுவனம் மூலம் இயற்கை முறையில் ஹேர் ஆயில், பேஸ் மாஸ்க், நலங்கு மாவு, சோப்பு உள்ளிட்ட பொருட்களை தயாரித்து விற்பனை செய்து வருகிறார். இந்த பொருட்களை விளம்பரப்படுத்த அடிக்கடி இது தொடர்பான காணொளிகளை வெளியிட்டு வருவார்.
இந்நிலையில் பொருள்கள் தயாரிப்புக்காக வேலை செய்துகொண்டிருந்த போது, எதிர்பாராத விதமாக கை மிஷினில் சிக்கியுள்ளது. இதனால் மருத்துவமனையில் அனுமதிக்கப்பட்டுள்ளார். தற்போது கையில் கட்டுடன் இருக்கும் படத்தை தனது இன்ஸ்டாகிராம் பக்கத்தில் பகிர்ந்து மேலும், "நேற்றைய தினம் எதிர்பாராத விதமாக கை மெஷினில் சிக்கி காயம் ஏற்பட்டுள்ளது.
எனவே அடுத்த ஒன்று அல்லது இரு வாரங்களுக்கு முழுமையாக சமூகவலைதள பக்கங்களில் இல்லாமல் அவ்வப்போது வந்து செல்வேன். எல்லாம் திருஷ்டி" என தெரிவித்துள்ளார். இதைப்பார்த்த ரசிகர்கள் சீக்கிரம் குணமாகி வர வேண்டும் என வாழ்த்துகளை தெரிவித்து வருகின்றனர்.
