விஜய்யை குடும்பத்துடன் சென்று சந்தித்த நடிகை ரம்பா இந்திரகுமார் - என்ன காரணம்?

தமிழக வெற்றி கழக தலைவர் விஜய்யை நடிகை ரம்பா குடும்பத்துடன் சென்று சந்தித்துள்ளார்.

ரம்பா இந்திரகுமார்

நடிப்புத் திறமையால் ரசிகர்களின் மனதை வென்றவர் ரம்பா இந்திரகுமார். நேற்று தனது குடும்பத்துடன் நடிகர் விஜய்யை அவரது இல்லத்தில் சென்று சந்தித்து, தமிழக வெற்றிக் கழகம் என்ற அரசியல் கட்சியை துவங்கியதற்கு வாழ்த்துக்களை தெரிவித்தார். 

நடிகை ரம்பா அவர்கள், நடிகர் விஜய்யுடன் மின்சார கண்ணா, நினைத்தேன் வந்தாய், என்றென்றும் காதல் போன்ற வெற்றிப் படங்களில் இணைந்து நடித்துள்ளார்.

தளபதி விஜய்

இந்த சந்திப்பின் போது ரம்பாவின் குழந்தைகளுடன் மனம் திறந்து பேசி மகிழ்ந்தார் விஜய். மேலும், ரம்பாவுடன் இணைந்து நடித்த படங்கள் பற்றியும் படப்பிடிப்பு நாட்களில் நடந்த சுவாரஸ்யமான நிகழ்வுகள் மற்றும் ரம்பா அவர்கள் நடிப்பிலும் நடனத்திலும் மிகச்சிறந்த சக நடிகையாகவும் இருந்ததை நினைவுகூர்ந்தார் விஜய். 

 தமிழ்த் திரை உலகில் தனக்கென ஒரு தனி இடத்தை பிடித்த நடிகை ரம்பா, தற்போது தனது கணவர் மற்றும் மூன்று குழந்தைகளுடன் கனடாவில் வாழ்ந்து வருகிறார்.

மேலும் திருமணத்திற்கு பின் தனது கணவர் இந்திரகுமாருடன் இணைந்து கனடாவில் MagickWoods மற்றும் MagickHome ஆகிய நிறுவனங்களை நடிகை ரம்பா திறம்பட நடத்தி வருகிறார். MagickHome-Home Interior and Furniture brand, இந்தியாவின் பல்வேறு இடங்களில் விரிவாக்கம் செய்து வருகிறது.

நீண்ட நாட்களுக்கு பிறகு நடந்த இச்சந்திப்பு ரம்பாவின் குடும்பத்தாருடன் தளபதி விஜய்யின் நட்புறவை உறுதி செய்யும் விதமாக அமைந்தது.