நடிகை லாவண்யா திரிபாதி மணக்கப்போகும் அந்த தெலுங்கு நடிகர்? - ஷாக் குடுத்த பிரபலங்கள்!

 பிரபல நடிகை லாவண்யாவிற்கும் தெலுங்கு நடிகருக்கும் அடுத்த மாதம் நிச்சயதார்தம் நடக்கப்போவதாக தகவல் வெளியாகியுள்ளது.

லாவண்யா

நடிகை லாவண்யா திரிபாதி, தமிழில் சசிகுமார் நடித்த ‘பிரம்மன்’, சிவி குமார் இயக்கத்தில் உருவான ’மாயவன்’ ஆகிய திரைப்படங்களில் நடித்துள்ளார்.

தற்போது அவர் ‘தணல்’ என்ற திரைப்படத்தில் நடித்து வரும் நிலையில் பல தெலுங்கு படங்களிலும் இவர் நடித்துள்ளார் என்பது குறிப்பிடத்தக்கது.

இவர், தெலுங்கு நடிகரான வருண் தேஜ் என்பவரை கடந்த சில ஆண்டுகளாக காதலித்து வந்தார்.

திருமணம்

தொடர்ந்து, வருண் தேஜ், பழம்பெரும் தெலுங்கு நடிகர் நாகேந்திர பாபுவின் மகனும் தற்போது தெலுங்கு திரையுலகின் முன்னணி நடிகர்களில் ஒருவராகவும் உள்ளார்.

இந்நிலையில், இவர்கள் இருவருக்கும் திருமண நிச்சயதார்த்தம் அடுத்த மாதம் நடைபெற இருப்பதாகவும் இந்த ஆண்டுக்குள் இவர்களது திருமணம் நடைபெறும் என்றும் கூறப்படுகிறது.

இதனை அடுத்து நடிகை லாவண்யாவுக்கு அவரது ரசிகர்கள் வாழ்த்துக்களை தெரிவித்து வருகின்றனர்.