பிரபல நடிகருக்கு தாலி கட்டிய 96 பட குட்டி ஜானு - வைரல் புகைப்படங்களால் பரபரப்பு..!

நடிகை கெளரி கிஷன் - நடிகர் ஆதித்யா பாஸ்கர் ஆகியோரின் திருமண புகைப்படங்கள் பரபரப்பை ஏற்படுத்தியுள்ளது

ஆதித்யா - கெளரி

விஜய் சேதுபதி, த்ரிஷா நடிப்பில் 96 என்ற திரைப்படம் கடந்த 2018-ம் ஆண்டு வெளியானது. இந்த படத்தில் விஜய் சேதுபதியின் இளமைக் கால கதாபாத்திரத்தில் எம்.எஸ் பாஸ்கரின் மகன் ஆதித்யா பாஸ்கர் நடித்திருந்தார்.

அதேபோல் த்ரிஷாவின் இளமைக்கால கதாபாத்திரத்தில் கெளரி கிஷன் நடித்திருந்தார். இந்நிலையில் கெளரி கிஷன் தனது இன்ஸ்டாகிராம் பக்கத்தில் ஆதித்யா பாஸ்கருக்கு தாலி கட்டுவதைப்போல் புகைப்படம் ஒன்றை பகிர்ந்தார்.

அந்தமாதிரி படம் பார்க்கமாட்டேன்.. ஆனால் இதை செய்வேன் - ஓப்பனாக சொன்ன நடிகை!

திருமணமா?

இந்த புகைப்படம் சமூக வலைத்தளத்தில் அதிர்ச்சியை ஏற்படுத்தியது. இவர்களுக்கு திருமணமா? என்று ரசிகர்கள் குழம்பியிருந்த நிலையில், இந்த புகைப்படம் இருவரும் இணைந்து தற்போது நடித்திருக்கும் படத்தின் ப்ரோமோஷன் என்று தெரியவந்துள்ளது.

விக்னேஷ் கார்த்திக் இயக்கத்தில் ஹாட்ஸ்பாட் திரைப்படம் நேற்று வெளியானது. இந்த படத்தில் தானும் ஆதித்யா பாஸ்கரும் இணைந்து நடித்துள்ளதை தெரிவிப்பதற்காக இந்த புகைப்படத்தை கெளரி கிஷன் பகிர்ந்துள்ளார்.