விஜய் கட்சியில் இணையும் தர்ஷா குப்தா? அவரே சொன்ன தகவல்

 விஜய் அழைத்தால் கட்சியில் இணைந்து விடுவேன் என நடிகை தர்ஷா குப்தா பேசியுள்ளார்.

தர்ஷா குப்தா

குக் வித் கோமாளி, பிக்பாஸ் சீசன் 8 போன்ற தொடர்களில் பங்குபெற்று அதன் மூலம் ரசிகர்கள் மத்தியில் பிரபலமானவர் நடிகை தர்ஷா குப்தா. 

இவர் நேற்று(29.01.2025) தூத்துக்குடி மாவட்டத்தில் அமைந்துள்ள பிரத்யங்கிரா தேவி ஆலயத்தில் நடைபெற்ற சிறப்பு பூஜை மற்றும் யாகத்தில் கலந்து கொண்டார். 

விஜய் கட்சியில் இணையும் ஆதவ் அர்ஜுனா - என்ன பதவி?

விஜய் கட்சி

இதன் பிறகு செய்தியாளர்களை சந்தித்து பேசிய அவர், இந்த கோயிலில் நினைத்த காரியம் நடப்பதாக கூறினார்கள். அதன் அடிப்படையில் இங்கு நடைபெற்ற யாகத்தில் கலந்து கொண்டேன். பிக் பாஸ் நிகழ்ச்சியில் இருந்து வெளியில் வந்தது எனக்கு பிடிக்கவில்லை. தற்போது தெலுங்கிலும் தமிழிலும் நடித்து வருகிறேன். ஹீரோயின் கதை அம்சம் கொண்ட ஒரு நல்ல படத்திற்காக காத்திருக்கிறேன் என தெரிவித்தார். 

விஜய்யின் அரசியல் வருகை குறித்து கேட்கப்பட்ட கேள்விக்கு, அவர் களத்தில் போய் நின்றாலே ரசிகர்கள் கூட்டம் அதிகமாக வரும். அடுத்த முதல்வராக வருவார் என நம்பிக்கையோடு காத்திருக்கிறேன். அவர் அரசியலுக்கு வந்த பிறகு புதிதாக என்ன செய்ய போகிறார் என பார்க்க ஆர்வமாக உள்ளது.

அவர் சும்மா அழைத்தாலே கட்சியில் இனைந்து கொள்வேன். பதவி கொடுத்தால் நல்லது. ஆனால் சும்மா அழைத்தாலே போதும் கட்சியில் இணைந்து விடுவேன்" என கூறினார்.