சுவர் ஏறி குதித்து மிரட்டுறார் - தந்தை மீது பிரபல கடைக்குட்டி சிங்கம் நடிகை பகீர் புகார்!

தந்தை மிரட்டுவதாக நடிகை அர்த்தனா பரபரப்பு புகார் தெரிவித்துள்ளார்.

நடிகை அர்த்தனா

மலையாள நடிகையாக அறியப்படுபவர் நடிகை அர்த்தனா பினு. மலையாள நடிகர் விஜயகுமாரின் மகள். தமிழில், ‘தொண்டன்’, ‘செம’, ‘கடைக்குட்டி சிங்கம்’, ‘வெண்ணிலா கபடிகுழு 2’ உட்பட சில படங்களில் நடித்துள்ளார்.

இவரது தாய் பினுவும் விஜயகுமாரும் விவாகரத்து பெற்றுள்ளனர். இதனால் தாயுடன் வசித்து வருகிறார். இந்நிலையில், தனது வீட்டுக்குள் புகுந்து விஜயகுமார் கொலை மிரட்டல் விடுப்பதாக புகார் தெரிவித்துள்ளார்.

தந்தை மீது புகார்

இதுகுறித்து அவர் வெளியிட்டுள்ள வீடியோவில், “சுற்றுச் சுவர் ஏறிக்குதித்து வீட்டுக்கு வரும் விஜயகுமார், ஜன்னல் வழியாக எனது சகோதரிக்கும் பாட்டிக்கும் கொலை மிரட்டல் விடுக்கிறார். நான் நடிக்கக் கூடாது என்றும் அவர் ஒப்பந்தம் செய்த படங்களில் மட்டுமே நடிக்க வேண்டும் என்றும் வற்புறுத்துகிறார்.

அவர் மீது பலமுறை புகார் அளித்தும் போலீஸார் நடவடிக்கை எடுக்கவில்லை” என்று தெரிவித்துள்ளார். மேலும், நடிகர் விஜயகுமார் சத்தம் போடும் வீடியோவையும் பதிவிட்டுள்ளார். இந்த வீடியோ பெரும் பரபரப்பை ஏற்படுத்தியுள்ளது.