WWE ஜான் சீனாவுடன் தளபதி விஜய்; LCUவில் இருக்கிறாரா? இணையத்தை கலக்கும் புகைப்படம்!
Jiyath
in பிரபலங்கள்
WWE மல்யுத்த வீரர் ஜான் சீனாவுடன் நடிகர் விஜய் இருப்பது போன்ற புகைப்படம் ஒன்று வைரலாகி வருகிறது.
இந்தியாவில் WWE
90ஸ் கிட்ஸ்களின் ஃபேவரைட் நிகழ்ச்சி என்றால் அது WWE மல்யுத்த போட்டிதான். இந்த நிகழ்ச்சிக்கென உலகம் முழுவதும் ஒரு தனி ரசிகர் பட்டாளமே உள்ளது. அமெரிக்காவை சார்ந்த இந்த WWE நிறுவனம் போட்டிகளை உலகம் முழுவதும் பல நாடுகளில் நடத்தி வருகின்றனர்.
இந்தியாவில் இந்த போட்டியானது ஏற்கனவே நடைபெற்றுள்ளது. அந்த வகையில் சுமார் 6 வருடங்களுக்கு பிறகு மீண்டும் இந்தியாவில் இந்த நிகழ்ச்சி நடைபெறுகிறது. இதில் பல இளைஞர்களின் ஃபேவரைட் சூப்பர்ஸ்டார் ஆன ஜான் சீனாவும் (John Cena) கலந்து கொண்டுள்ளார். பல முன்னணி WWE நட்சத்திரங்களும் இந்த நிகழ்ச்சியில் கலந்து கொள்கின்றனர்.
இந்த போட்டிகள் ஹைதராபாத்தில் உள்ள கச்சிபௌலி அரங்கில் நடைபெறுகிறது. இந்நிலையில் WWE நட்சத்திரங்களை வரவேற்க தமிழ் திரைப்பட நடிகர் கார்த்தி சிறப்பு அழைப்பாளர்களாக அழைக்கப்பட்டிருந்தார்.
கூடுதலாக அவர்களுடன் விளம்பரம் ஒன்றிலும் கார்த்தி நடித்துள்ளதாக தெரியவந்துள்ளது. அப்போது WWE நட்சத்திரம் ஜான் சீனாவை சந்தித்து, அவரிடம் கை குலுக்கியபடி கார்த்தி எடுத்த புகைப்படம் ஒன்று நேற்று இணையத்தில் வெளியாகி வைரலானது.
விஜய் ரசிகர்கள்
இந்நிலையில் நடிகர் விஜய்யின் ரசிகர்கள், அந்த புகைப்படத்தை மார்பிங் (Morphing) செய்து ஜான் சீனவுடன் விஜய் இருப்பதுபோல் அதனை எடிட் (Edit) செய்து இணையத்தில் வெளியிட்டுள்ளனர். இந்த புகைப்படம் இணையத்தில் வைரலானது.
பல விஜய் ரசிகர்களும் இதை இன்ஸ்டாகிராம், ட்விட்டர், பேஸ்புக் உள்ளிட்ட சமூக வலைத்தளங்களில் பதிவிட்டு வருகின்றனர். இதனை தொடர்ந்து இணையவாசிகள் பலரும் இந்த புகைப்படத்திற்கு 'லியோ திரைப்படத்தில் (LCUவில்) ஜான் சீன இனைந்து விட்டார், நல்லா எடிட் பண்றீங்கப்பா, விஜய்யின் அடுத்த படத்தின் வில்லன் ஜான் சீனா என்று கமெண்டுகளை பதிவிட்டு அட்ராசிட்டி செய்து வருகின்றனர்.
