வெண்ணிற ஆடை மூர்த்தியை ஞாபகம் இருக்கா..? இப்போ எப்படி இருக்காரு பாருங்க..!

பழம்பெரும் நடிகர் வெண்ணிறாடை மூர்த்தி சூப்பர் சிங்கர் சீசன் 10 நிகழ்ச்சியில் சிறப்பு விருந்தினராக கலந்து கொண்டிருக்கிறார். 

வெண்ணிற ஆடை மூர்த்தி

தமிழ் சினிமாவில் கிட்டத்தட்ட 50 ஆண்டுகளுக்கும் மேலாக நடித்தவர் வெண்ணிற ஆடை மூர்த்தி. இவர் ஏறக்குறைய மூன்று தலைமுறைக்கு மேலான பல முன்னணி நடிகர்களுடன் நடித்துள்ளார்.

எம்ஜிஆர் தொடங்கி சிவாஜி, ரஜினி, கமல், அஜித், விஜய் மட்டுமின்றி பல இளம் நடிகர்களுடன் வெண்ணிற ஆடை மூர்த்தி நடித்துள்ளார். அதுமட்டுமா சின்னத்திரை மூலமாகவும் ரசிகர்களை அவர் என்டர்டைன் செய்துள்ளார். இந்நிலையில் சில வருடங்களாக சினிமாவிலும் எந்த நிகழ்ச்சிகளிலும் கலந்து கொள்ளாமல் இருந்தார்.

இன்ப அதிர்ச்சி   

அவருக்கு வயது மூப்பு ஏற்பட்டு விட்டதால் நடிப்பை விட்டு விலகிவிட்டார் என்று கூறப்பட்டு வந்தது. இந்நிலையில் வெண்ணிற ஆடை மூர்த்தி ரசிகர்களுக்கு இன்ப அதிர்ச்சி கொடுத்துள்ளார்.

விஜய் டிவியில் ஒளிபரப்பாகி வரும் சூப்பர் சிங்கர் சீசன் 10 நிகழ்ச்சியில் சிறப்பு விருந்தினராக அவர் கலந்து கொண்டுள்ளார். இது தொடர்பாகி வெளியான ப்ரோமோவில் அவர் பேசுவதை பார்த்த ரசிகர்கள், "எவ்வளவு வயசு ஆனாலும் இவருடைய காமெடி மட்டும் கொஞ்சம் கூட குறையலையே என்று கூறி வருகின்றனர்.