நடிகர் விஜய்யின் அரசியல் வருகை; இதுதான் என்னுடைய கருத்து - வடிவேலு பளீச் !

நடிகர் வடிவேலு செய்தியாளர்களை சந்தித்து பேட்டியளித்துள்ளார்.

நடிகர் வடிவேலு

தமிழ் சினிமாவில் காமெடியில் உச்சத்தை தொட்ட நடிகர் தான் வைகைப்புயல் வடிவேலு. இவருக்கென்று பல ரசிகர்கள் கூட்டமே உள்ளது. இவரது நடிப்பினால் உடல் பாவனையாலும் பல ரசிகர்களை ஈர்த்தவர், இவர் சில காலம் சினிமாவில் பிரேக் எடுத்துவிட்டார்,

ஆனாலும் இவரது காமெடிகள் சுற்றிக்கொண்டே தான் இருந்தது. மீம்ஸ் கிரியேட்டர்கள் டெம்ப்ளேட்டுக்கு இவரது காமெடிதான் முக்கிய பங்காக உள்ளது. அண்மையில் மாரி செல்வராஜ் இயக்கத்தில் வடிவேலு நடிப்பில் மாமன்னன் படம் வெளியாகி பெரிய அளவில் ஹிட் அடித்தது. இதனைத் தற்போது தொடர்ந்து சில படங்களில் வடிவேலு நடித்து வருகிறார்.

பேட்டி

இந்நிலையில் நேற்று செய்தியாளர்களை சந்தித்த வடிவேலு மறைந்த நடிகர் மாரிமுத்துவை பற்றி பேசினார். அவர் பேசுகையில் "நடிகர் மாரிமுத்து திடீரென்று எல்லாரையும் விட்டுப் போய்விடுவார் என்று எதிர்பார்க்கவில்லை. முதலில் அவர் இறந்த செய்தியை நான் நம்பவில்லை.

பிறகுதான் அவர் டப்பிங் பேசிக்கொண்டிருக்கும்போது மாரடைப்பால் இறந்துவிட்டார் என்று கேள்விப்பட்டவுடன் மிகவும் கஷ்டமாக இருந்தது. படத்தில்தான் அவரின் கதாபாத்திரம் அப்படி இருக்கிறது. ஆனால் நிஜத்தில் நல்ல அருமையான மனிதன் அவர். அவரின் மரணத்திற்கு என்னுடைய ஆழ்ந்த இரங்கலை தெரிவித்துக் கொள்கிறேன் " என்று வடிவேலு பேசினார்.

மேலும், "நடிகர் விஜய் அரசியலுக்கு வருவதாக ஒரு பேச்சு இருக்கிறது, அவர் வரவேண்டும் என்று நீங்கள் நினைக்கிறீர்களா? உங்களுடைய கருத்து என்ன என்று செய்தியாளர்கள் கேள்வி எழுப்பினர். அதற்கு பதிலளித்த வடிவேலு "எல்லாரும் வரலாம், வந்துட்டு போட்டும். நல்லா திறந்த கதவு தானே. அவரும் வரட்டும், இவரும் வரட்டும் எல்லாரும் வாங்களேன். நீங்களும் வாங்க என்று செய்தியாளரை பார்த்து நடிகர் வடிவேலு பேசிவிட்டு சென்றார்.