தேசிய விருது பெற்றார் நடிகர் சூர்யா - மொபைலில் போட்டோ எடுத்த ஜோதிகா
‘சூரரைப்போற்று’ படத்திற்காக சிறந்த நடிகருக்கான தேசிய விருதை குடியரசு தலைவர் திரௌபதி முர்மு, நடிகர் சூர்யாவுக்கு வழங்கினார்.
தேசிய விருது பெற்றார் சூர்யா
கடந்த 2020ம் ஆண்டு வெளியான ‘சூரரைப்போற்று’ திரைப்படத்திற்கு மொத்தம் 5 தேசிய விருதுகள் கிடைத்துள்ளன. அதில் நடித்த சூர்யாவுக்கு சிறந்த நடிகருக்கான தேசிய விருது கிடைத்துள்ளது.
அதன்படி இன்று மாலை டெல்லியில் 68-வது தேசிய திரைப்பட விருதுகள் வழங்கும் விழா நடைபெற்றது. அதில் நடிகர் சூர்யா தேசிய விருதை பெற்றார்.
பின்னர் சூரரைப்போற்று படத்திற்காக சிறந்த நடிகைக்கான தேசிய விருது அபர்ணா முரளிக்கு வழங்கப்பட்டது.
மேலும் சூரரைப்போற்று படத்திற்காக சிறந்த திரைப்படத்திற்கான தேசிய விருது தயாரிப்பாளர் ஜோதிகாவுக்கு குடியரசு தலைவர் வழங்கினார்.
தேசிய விருது வழங்கும் விழாவில் நடிகர் சூர்யா தனது மனைவி ஜோதிகா, மகன் தேவ், மகள் தியா ஆகியோருடன் கலந்து கொண்டார்.