அஜித் சார் என்னிடம் கேட்ட கேள்வி.. உங்க அளவுக்கு பண்ண முடியாதுனு சொன்னேன் - நடிகர் சிவகார்த்திகேயன்!

நடிகர் சிவகார்த்திகேயன், அஜித் குறித்து பேசியுள்ளார்.

அயலான் 

ரவிக்குமார் இயக்கத்தில் நடிகர் சிவகார்த்திகேயன் நடிக்கும் அயலான் திரைப்படம் பொங்கல் வெளியீட்டிற்கு தயாராகியுள்ளது. இந்த படத்தில் யோகிபாபு, கருணாகரன் ஆகியோரும் நடித்துள்ளனர்.

இசைப்புயல் ஏர்.ஆர்.ரகுமான் இப்படத்திற்கு இசையமைத்துள்ளார். இந்நிலையில் அயலான் படம் குறித்த நேர்காணல் ஒன்றில் நடிகர் அஜித் குறித்து சிவகார்த்திகேயன் பேசியுள்ளார்.

அவர் பேசியதாவது "அஜித் சாரை நேரில் பார்த்தபோது, அவர் என்னிடம் சிவா நீங்க பைக் ரைடு போவீங்களா? என்று கேட்டார். அவரிடம் சார், பைக் ரைடு என்றால் எங்களுக்கு தெரிந்தது ஊருக்குள் ஒரு இடத்திலிருந்து இன்னொரு இடத்திற்கு போவதுதான்.

நடிகர் அஜித்

உங்கள அளவுக்கு எங்களால் ஓட்ட முடியாது என்று சொன்னேன். அஜித் சார் எல்லா நாடுகளுக்கும் சென்று பைக்கில் சுற்றுப்பயணம் செல்கிறார்.

அங்குள்ள காட்சிகளை பைக்கிலேயே சென்று பார்க்கிறார். அந்த லெவலுக்கு நான் செல்வேன் என்று எனக்கு தெரியாது. ஆனால் ஆசை இருக்கிறது. இப்போது அஜித் சார் வைத்துள்ள பைக்கை போன்று ஒன்றை வாங்கிவிட்டு, அதை நன்றாக ஓட்ட கற்றுக்கொள்ள வேண்டும்.

அஜித் சார் வைத்திருப்பது சாதாரண பைக் அல்ல. அந்த பைக்கை ஓட்ட கற்றுக்கொண்டு, அவருடன் ஒருமுறை சுற்றுலா செல்ல வேண்டும் என ஆசையாக உள்ளது" என்று பேசியுள்ளார்.