நடிகர் ஷாருக்கான் வீட்டில் நுழைந்த மர்ம நபர்கள் கைது... - பரபரப்பு சம்பவம்...!
நடிகர் ஷாருக்கான் வீட்டிற்குள் நேற்று நள்ளிரவில் அத்துமீறி நுழைந்த 2 பேரை போலீசார் கைது செய்துள்ளனர்.
ஷாருக்கான் வீட்டில் நுழைந்த மர்ம நபர்கள்
மும்பையில், பாந்த்ரா பகுதியில் உள்ள பாலிவுட் நடிகர் ஷாருக்கானின் வீட்டில் நேற்று நள்ளிரவில் 2 பேர் அத்துமீறி நுழைந்துள்ளனர்.
இது குறித்து உடனடியாக போலீசாருக்கு தகவல் கொடுக்கப்பட்டுள்ளது. உடனே சம்பவ இடத்திற்கு விரைந்து வந்த போலீசார் இருவரையும் கைது செய்து காவல்நிலையத்திற்கு கொண்டு சென்றனர்.
அவர்கள் மீது வழக்குப் பதிவு செய்த போலீசார் விசாரணை மேற்கொண்டனர்.
அந்த விசாரணையில், இருவரும் நாங்கள் ஷாருக்கானின் ரசிகர் என்று தெரிவித்துள்ளனர். 19 முதல் 20 வயதுக்குட்பட்ட இருவரும் பங்களாவுக்குள் நுழைந்ததும் எங்களை பணியிலிருந்த பாதுகாவலர்கள் பிடித்தனர். நாங்கள் குஜராத்தை சேர்ந்தவர்கள். நடிகர் ஷாருக்கானை சந்திக்க விரும்புவதாகவும் தெரிவித்துள்ளனர்.
தற்போது இந்த சம்பவம் சமூகவலைத்தளங்களில் வெளியாகி வைரலாகி நெட்டிசன்களிடையே பெரும் பரபரப்பை ஏற்படுத்தியுள்ளது.
