உதவிக்காக வீடு தேடி வந்த விஜய்.. வாசலோடு திருப்பி அனுப்பிய சஞ்சீவ் - என்ன நடந்தது?

தனக்கு உதவி செய்ய வந்த விஜய்யை வாசலோடு திருப்பி அனுப்பியதாக நடிகர் சஞ்சீவ் வேதனை தெரிவித்துள்ளார். 

நடிகர் சஞ்சீவ் 

தமிழ் சினிமாவில் உச்ச நட்சத்திரமாக இருக்கும் நடிகர் விஜய், தற்போது அரசியலில் களம் இறங்கியுள்ளார். தனக்கு அரசியல் பொழுதுபோக்கல்ல என்றும், இனிமேல் சினிமாவில் நடிக்கப் போவதில்லை என்றும் அவர் தெரிவித்துள்ளார்.

இந்நிலையில் விஜய்யின் நண்பரும், சீரியல் நடிகருமான சஞ்சீவ் நேர்காணல் ஒன்றில் விஜய் குறித்து பேசியுள்ளார். அதில் தனக்கு உதவி செய்ய வந்த விஜய்யை வாசலோடு திருப்பி அனுப்பியதாக வேதனை தெரிவித்துள்ளார். கொரோனா காலகட்டத்தில் சஞ்சீவிற்கு கொரோனா தொற்று அறிகுறி ஏற்பட்டிருக்கிறது.

விஜய் உதவி 

அப்போது அவர் வீட்டில் தனியாக இருந்துள்ளார். அந்த நேரத்தில் விஜய் எதார்த்தமாக போன் செய்துள்ளார். அப்போது தனக்கு கொரோனா வைரஸ் பாதிப்பு அறிகுறிகள் இருப்பதால் வீட்டில் தனியாக இருப்பதாக சஞ்சீவ் தெரிவித்துள்ளார்.

உடனே விஜய் சாப்பாட்டுடன் சஞ்சீவ் வீட்டிற்கு வந்துள்ளார். ஆனால் சஞ்சீவ் அவரை உள்ளே விடவில்லையாம். சாப்பாட்டை காவலாளியிடம் கொடுத்துவிட்டு 'நீ அப்படியே கிளம்பி போயிருடா வீட்டுக்குள்ள வரவேண்டாம்' என்று வெளியே அனுப்பி வைத்தாராம்.

வீட்டுக்குள் வந்தால் விஜய்க்கும் கொரோனா பாதிப்பு ஏற்பட்டு விடுமோ என்று அக்கரையில் தான் வாசலோடு போகச் சொன்னேன் என்று சஞ்சீவ் அந்த பேட்டியில் கூறியுள்ளார்.