பிரியா பவானி சங்கர் ராசியில்லாத நடிகையா? பிரபல நடிகர் சொன்ன விஷயம்!
Jiyath
in பிரபலங்கள்
நடிகை பிரியா பவானி சங்கர் குறித்து நடிகர் ரிஷிகாந்த் பேசியுள்ளார்.
இந்தியன் 2
ஷங்கர் இயக்கத்தில் கமல்ஹாசன் நடித்த 'இந்தியன்' திரைப்படம் வெளியாகி 28 ஆண்டுகளுக்கு பிறகு, அந்த படத்தின் இரண்டாம் பாகம் 'இந்தியன் 2' கடந்த 12-ம் தேதி வெளியானது. இந்த படத்தில் சித்தார்த், எஸ்.ஜே.சூர்யா, ரகுல் ப்ரீத் சிங், பிரியா பவானி சங்கர் உள்ளிட்டோரும் நடித்துள்ளனர்.
மேலும், இந்தியன் 2 படத்திற்கு அனிருத் இசையமைத்துள்ளார். இந்த படத்திற்கு தற்போது வரை கலவையான விமர்சனங்கள் வந்து கொண்டிருக்கின்றன. இந்நிலையில் இந்தியன் 2 படத்தில் நடித்துள்ள நடிகர் ரிஷிகாந்த் கலந்து கொண்ட நேர்காணல் ஒன்றில் "இந்த படத்திற்கான அறிவிப்பு வரும்போது அனைவரைப் போலவேதான் நானும் முயற்சி செய்தேன்.
பிரியா பவானி சங்கர்
என்னை டெஸ்ட் செய்த ஷங்கர் சார் நடனம் ஆடத்தெரியுமா என்பது உள்ளிட்ட சில கேள்விகளைக் கேட்டார். அதன் பின்னர் ஓகே சொல்லிவிட்டார். இரண்டாவது நாளிலிருந்தே நான் இந்தியன் 2வில் நடிக்க ஆரம்பித்துவிட்டேன்" என்றார்.
மேலும், பிரியா பவானி சங்கர் ராசியில்லாத நடிகை என பேசப்படுகிறதே என்ற கேள்விக்கு, "இது என்ன என்றே எனக்கு புரியவில்லை. பிரியா பவானி ஷங்கர் ஒரு சிறந்த நடிகை. அவர் என்னிடம் மிகவும் அன்பாக நடந்து கொள்வார். எனக்கும் அவர்மீது மதிப்பும் அன்பும் உள்ளது. இதுபோன்ற கமெண்ட்டுகளில் கவனம் செலுத்தாமல் நடிப்பதில் மட்டும் கவனம் செலுத்தினால் போதும்" என்று தெரிவித்துள்ளார்.
